Mizoram Bharat Scouts & Guides chuan vawiin khan an State Council President Pu Lal Thanhawla, Chief Minister chenna bungalowa banquethallahStateCouncil Meeting an nei a, President Pu Lal Thanhawla chuan a kaihruai a ni.

Meeting-ah hian agenda pakhat chauh an chhawpchhuah, kum 2013 - 2014 chhunga programme hrang hrang an duan lawk chu meeting hian a pawmpui a ni.

Meeting-ah hian member pahnih Pi Zoramthangi, Melriata Primary School Headmistress leh Pi C. Lalneihthangi, State Executive Body a Asst. State Commissionerte hnenah hna an thawh that avangin  World Association of Girl Guides and Girl Scouts-in Asia Pacific Region, Manila kaltlangin chawimawina Leadership Award for Troops/ Unit leader an rawn pek chu hlan an ni.

State Council Meeting-ah hian Mizoram district hrang hrang atangin palai an kal a. Mizoram Bharat Scouts & Guidesah hian State Council hruaitute hi officiala nihna an chelh avanga dah (by virtue of office) leh a dangte chu  ruat an ni thin a, chutah chuan Chief Minister chu President, Vice President pathum dahte chu  Education Minister, Sports Minister leh Chief Secretary te an ni a, a dang pathum ruat an ni bawk. State Chief Commissioner hi an ruat bawk thin a ni. Vawiinah pawh hian State Council office bearer thar turte an ruat thar bawk a. Vice President ruat tharte hi Rev Dr. C.L.Hminga, Dr.R.Tintlua leh Pi Laldingliani te an ni a, State Chief Commissioner atan Pu Lalzirmawia Chhangte an ruat bawk a ni.