2332/2026-2027

Aizawl, the 24th September 2026: Vawiin khan Chief Minister Pu Lalduhoma chuan a office-ah Mizoram State Human Rights Commission Chairperson leh member-te a kawm.

Chief Minister hian lawmpuina leh an kal zelna tura duhsakna a lo hlan a. Hna an thawhna atana an mamawhte sawipuiin, an mamawh zualpuite chu a ranglama ngaihtuah a nih tur thu a hrilh a ni.

Chairperson Pi Justice Marli Vankung, Former Judge, Gauhati High Court, chuan Mizoram State Human Rights Commission hmasaber atana sorkarin a ruat avangin Chief Minister hnenah hian lawmthu a sawi a. Phur taka thawh kan tum a, Complaint pawh pathum kan dawng tawh a ni. Commission thar a nih avangin thawktuah leh hmanraw lamahte mamawh eng eng emaw kan nei a, lawmthu rawn sawi pahin chung kan mamawh zualpuite kan rawn thlen a ni, a ti a. Inkawmna hun tha tak a buatsaihsak avangin lawmthu a sawi a ni.

Mizoram State Human Rights Commission Chairperson Pi Justice Marli Vankung, Former Judge, Gauhati High Court, member Pu Vanlalenmawia, MJS (Rtd.) leh Pu K. Lal Nghinglova, IAS (Rtd.) te hi kumin July ni 29 khan Mizoram Larsap General (Dr) Vijay Kumar Singh, PVSM, AVSM, YSM (Retd) chuan rinawmna thu tiamtirin a lalut a ni.