3307/2023-2024

Dated Aizawl, the 10th January, 2023: Vawiin khan Pi Sheryl L. Vanchhawng, Chairman, Mizoram Rural bank leh a thawhpui te chuan Chief Minister Pu Lalduhoma chu a pisaah lawmpuina an hlan a, an dinhmun leh hnathawhte sawiin sawrkar nena indawrna tam zawk neih an duh thute an thlen.

Chief Minister hian, mipuite mamawhna avanga inzauh zel tura kan nawr ngam bank in ni a, in CD Ratio ni se a tha ber te zinga mi a ni thei reng bawk a. Mipuite leh sawrkar atang pawhin duhsak in phu hlein ka hria, a ti a. Sawrkarin a taka Hand Holding Policy a kalpui hunah phei chuan bank te nen inhnaih taka thawh a tul dawn a ni, a ti.

MRB hotute hian an bank kaltlanga sawrkarin sum tam zawk a khawih ve theihna tur an dil a, MRB Manager atana mizo thalai tling thei an tlem avanga an mangan thute an thlen a. Heng an harsatna sutkian dan tur nia an hriatte an sawiho nghal a ni.

Hemi hnu hian Pu Rakesh Ravi, Regional Manager & SLBC Convenor, SBI, Aizawl chuan Chief Minister hi hmu ve lehin, lawmpuina a hlan a. An hmalakna hrang hrang te a hrilh a ni.

Chief Minister hian Pu Rakesh Ravi hnenah hian sawrkar Hand Holding Policy kalpui dan tur tlangpuite a lo hrilh bakah, CD Ratio tha zawk neia, mipuite tana a zau thei ang bera inhawng turin a hrilh a. Bank kaltlanga sawrkar scheme kalpui thinah te a kaihhruai sawrkar chuan engkim uluk tak leh dik taka an kalpui tur thu pawh hrilhin, beneficiary thlan thuah pawh a tling leh tlakte chauh an thlang thin dawh tih a lo hrilh a ni.

Pu Rakesh Ravi pawhin hmasawn zel tura an mamawhte a thlen a ni.