2067/2025-2026

Aizawl the 10th September 2025: Vawiin khan Chief Minister Pu Lalduhoma chuan Administrative Training Institute-a Mandatory Foundation Training kal mek Mizoram Secretariat Service mi 28 te chu CM Conference Hall-ah a kawm.

Chief Minister chuan reilote kan awm ve chhungin Service Rivalry a nasa tih ka hmu a, hei hi tha kan ti lo. Sorkar mitah chuan hnathawktute zawng zawng hi in pawimawh vek a, duhsak bik kan nei lo. Tin, officers ten kan hnuaia thawkte welfare hi kan ngaihthah fo thin niin kan hria a, kan staff ten an chanvo an rawn dil a nih chuan kan ngaihtuahsak thin tur a ni. Hmasawnna hna tam tak hi thumrawn (convergence) a kalpui a nih avangin department hrang hrangte thawhhona tha kan mamawh hle bawk, tiin MSS training mekte hi a chah a.

Sorkar pisa vawng nungtu in ni a, fel taka engkim kan kalpui hian hian a zahawm a, note sheet bultantu in nih avangin in ngaihdanin kawng tam takah sorkar a kaihruai ve thei bawk. Sorkar hna hi rawngbawlnaa ngaia dik leh tui taka thawk turin ka ngen che u a ni, a ti.

Trainee te hi Pu Lalbiakenga, Dy. Director (Training) ATI chuan a rawn ho a ni.