2066/2025-2026

Aizawl the 10th September, 2025 : Mizoram State Sorkar Notification No.B.12021/10/04-TRP Dt.22.8.2008 leh Section 115 & 117 of MV Act 1988-in thuneihna a pek angin; Shri. Narendra Modi, Hon'ble Prime Minister of India-in ni 13.9.2022 (Inrinni) ah Mizoram a lo tlawh dawn avangin Pu Ruatsanga Ralte, Sr. Superintendent of Police, Traffic, Aizawl chuan a hnuaia mi ang hian thupek a chhuah. 

Ni 13.9.2025 (Inrinni) zing Dar 06:00 atanga chawhnu Dar 01:00 inkarah Hon'ble Prime Minister of India chet velna tibahlah thei turin a hnuaia kawngpui dung tarlanahte hian lirthei, bungrua leh thildang engmah dah phal a ni lo.

  1. Thuampui, Bawngkawn, Ramhlun North, Ramhlun Venglai, Ramhlun South, Chaltlang Lily Veng, Chaltlang, Chanmari, Zarkawt, Dawrpui, Venghlui huam chhung kawngpui dung.
  2. Lengpui, Sihhmui, Sairang Zero Point, Phunchawng, Rangvamual, Hunthar, Company Peng, Edenthar.

Lirthei tian dan khuahkhirhna pawh a hnuaia mi ang hian ruahman a ni a, lirtheia veivakten harsatna kan tawh loh nan leh tul iova hun kan sen thlawn loh nan lo inhmakhua a, pumpelh dan kawng zawng turin kan inngen a ni.

  1. Ni 13.9.2025 (Inrinni) zing dar 08:30 atanga chawhnu dar 01:00 inkarah Falkland peng atanga Bawngkawn - Ramhlun/Chaltlang - Chanmari - Treasury Square - Sikulpuikawn kawngah a tawn tawnin lirthei eng chi mah tian phal a ni lo.
  2. Ni 13.9.2025 (Inrinni) zing dar 06:00 atanga chawhnu dar 01:00 inkarah Bawngkawn Hmar Veng kawngah Thuampui Helipad kaltlangin; Bawngkawn leh Thuampui kawn atangin lirthei eng chi mah tian phal a ni lo.
  3. Ni 12.9.2025 (Zirtawpni) zan dar 07:00 atanga ni 13.9.2025 (Inrinni) zan dar 07:00 thlengin HMV, MMV, 407 Truck leh a tlukpuite chu Aizawl khaw chhung luh leh tian tlang phal a nih dawn loh avangin a hnuaia tarlan hmun atangte hian an tian theih hun lo nghah tur a ni ang:


  1. Sairang, Kurung Lei
  2. Durtlang
  3. Zemabawk Berawlui, City Bus Terminal
  4. Ngaizel
  5. Falkland Chite Bridge

A chunga tarlan kawngpui dunga Hon'ble Prime Minister of India chet velna tibahlah thei awmte chu Traffic Control Room Ph:0389-2313061/9366553559-ah te hrilh hre zel turin kan inngen e.