1204/2022-2023 

Mizoram University (MZU) Southern Campus, Lunglei bultan thuai anih theihnan Mizoram Chief Minister Pu Zoramthanga leh sawrkar hotu dangten tukin khan Pukpui tlawhin hmalak tul leh hmachhawp hrang hrang te an enfiah.

MZU Southern Campus atana hman lailawk tum Pukpui Engineering College chu a hmunah tlawh tum niin amaherawhchu a pan na kawng a that loh avangin a hmun thlen theih a ni lova. Pukpui Engineering College building hi MZU Southern Campus atan hman thuai anih theihna turin a pan na kawng siam that a ngaih bakah tui supply leh power supply te ruahman a ngai a. Heng mamawhte ruahman tura engineer ten plan anlo siam fel tawh angin a hna thawhna tura a tul ang pawisa sanction nghal turin ruahmanna siam niin, hna pawh thawk tan nghal turin Chief Minister chuan PWD, PHE leh P&E Department hotute chu instruction a pe nghal a ni.

He hunah hian School Education Minister Pu Lalchhandama Ralte, Lunglei HPC Vice Chairman Pu Lawmawma Tochhawng, Dr Lalzirmawia Chhangte, Secretary, School Education Department, Pu C. Lalramzauva, Adviser to CM, Lunglei DC Pu Kulothungan A leh official dangte an tel a ni.