3417/2023-2024

Dated Aizawl, the 22nd January, 2024: Vawiin khan Chief Minister Pu Lalduhoma chuan a pisaah Zonunsangi, Class 8 leh Jenet Malsawmpuii, Class 9, Republic Presbyterian English School zirlai, tunhnaia Rajasthan-a National Red Ribbon Quiz Competition a champion te chu lawmpuina thingpui a inpui.

Pu Lalduhoma chuan, zirlai naupang taima leh entawntlak, Mizoram hming timawitu an nih avangin lawmthu a hrilh a. Lehkathiam tak, ram tana mi tangkai tak an nih chhoh ngei theih nan duhsakna a hlan a ni. Anmahni enkawltu Republic PES thawktute leh MSACS chungah pawh lawmthu a sawi bawk. Chief Minister hian an inbuatsaih dan tlangpui a zawt a, zirlai naupang pahnihte hian district level atanga national level thlenga an inbuatsaih dan fel fai takin an hrilh a ni.

Naupang te hi Rajasthana zu hruaitute pahnih Pu Joseph Lalnunmawia, Asst. Director, MSACS, Miss Zonunpuii Khawlhring, Teacher, Republic PES leh Dr. John Hlychho, Principal, Republic PES ten an rawn tawiawm a ni.