3416/2023-2024

Dated Siaha 22nd 2023 : Inrinni ni 19 khan Siaha District Bawrhsap Pu Lalhmunsanga Hnamte chuan Amobyu Vaihthie leh Tipa inkar kawngpui National Highway 54, National Highway and Infrastructure Development Corporation Limited (NHIDCL) siam mek chu a hmunah kalin a enfiah.

Pu Lalhmunsanga Hnamte hian Amobyu Vaihthie leh Tipa inkara National Highway laih vanga compensation- la tawh si in la thiatfel lo te chu karleh thawhleh (Tuesday) ni 23, January ral hma ngeia an in lo thiatfel tura a hrilhin order a pe nghal a . NH- 54 chu mipuiten an chhawr tangkai ber dawn a, a hma thei ang bera zawh a tul tih sawiin mipuite chu harsatna siamtu ni lo va, sawrkar thawhpuitu nizawk tur leh thuawih taka in thiat tura tih ten lo thiat ngei tura chahin, khawtina Village Council Memeber- te theihtawp lo chhuah turin a chah a ni.

NH-54 kawng laih meka compensation-la tawh si in la thiatfel duhlote avangin hnathawh a muan phah hle tih tarlangin hemi avang hian 'Jal Jeevan Mission' kalpui mek pawh tihkhawmuan phah anih thu Bawrhsap chuan tarlang a. Kawng laih mek zawhfel a nih loh chuan PHE pipe phum theih a nih loh avaning harsatna a thuahhnih hle a ti bawk. In tinte tui intur thianghlim an neih theihna turin Sawrkarin 'Jal Jeevan Mission' a kalpui mek a ni tiin tun dinhmunah 99 percentage zawhfel a ni toh a. Tun thla ni 26, Republic Day hma ngei a JJM hi za a za (100%) hlawhtinna hmuh a tul tih sawiin, mipuite thawhpuina tha a ngen nghal bawk.

Pu Lalhmunsanga Hnamte hi Pu Viasai Solo E.E, PHED, DIPRO leh NHIDCL hotuten an tawiawm a, khawtinah VC ten lo hmuakin kawnglaih mek hi an enho a ni.