Ni hnih chhung awh, National Siminar-cum-Workshop on Mizo Novels, Identity, Culture & Language tih, vawiina a kharna Aijal Cluba neihah Chief Minister Pu Lal Thanhawla chuan a hmanpui.

Chief Minister chuan Mizo tawng dik tak humhalh tur hian Mizo tawng zirtirtu te, ziak mite, vantlang hmaa thusawi thintu te, Radio leh TV a thusawitute leh journalists te hi an pawimawh hle a ni a ti a.Mizo tawng tih hausakna kawngah te pawh an ni hi hma hruaitu an ni thei a, kan tan tlan angai hle ani a ti. Hemi atan hian Mizo Language Development Board din te pawh a tha hle dawna a hriat thu a sawi bawk.

Chief Minister chuan Mizo tawng hi India Danpui 8th Scheduled a dah ve nise tih chungchangah Mizoram Legislative Assembly in alo passed tawh thu leh sorkar pawhin hma a lak thu a sawi a. Alo puitlin theihna tur hian India ram zau zawkah Mizote hi nasa zawka kan inpholan a, tawngpui dang hmang ten Language Board an neih te zuk bihchian saka, kan in vaivar a tul a ni a ti.

Mizoram University din alo nih khan Pu Lal Thanhawla hian Mizo Department a awm ngei theihna turin hma ala nasa hle a. Kum 1997 khan Mizoram sorkar atangin cheng nuai 16 a pe nghe nghe a ni.

Tarlan tawh angin, Seminar hi Mizoram University Mizo Department leh Mizo Language & Literature Teachers Academy in an buatsaih a ni.