No.1268/2020-2020

Chief Minister Pu Zoramthanga chuan vawiin khan a department chan PWD engineer te nen National Higway-54 (Khamrang - Buichali) chu a hmunah a enfiah.

Chief Minister Pu Zoramthanga chuan furpui kan hmachhawn turah helai kawng hi a pin mai loh nan theih ang anga hmalak a, a chhe zual lai te thawmthat a ngaih thu sawiin, a tul a nih chuan state sawrkar sum pawh a remchan dan ang zela hman nise a ti a ni.

COVID-19 avanga ram pum a hna kallai a chawlh thuap hnuah tunah a theih theih hna thawh tan a ni leh tawh a. Chief Minister chuan state economy a inkhaichhuahna tura mamawh tam tak zingah inkalpawhna tha neih hi a pawimawh thu sawiin, thawktute pawh thahnemngai taka hma la turin a chah a ni.

Chief Minister hi PWD Engineer-in-Chief Pu K. Sawmvela, Chief Engineer Highways Pu Lalmuankima Henry leh officer dangten an tawiawm a ni.

Chief Minister hian Sihphir Venghlun a tukin a in kang a en nghal bawk a ni.

Attachment

  • Loading attachment...