Ni 5 chhung ni 23 - 27 Feb 2010 thleng awh tur, North East Expo : Mizoram chu vawiin khan Chief Minister Pu Lal Thanhawla chuan Milleneum Centre Roof Top ah a hawng.
Chief Minister chuan midang ten industry lama min hmelhriat ve theihna tura hetiang Expo buatsaih a ni chu a buatsaihtute chungah leh a tel ve te chungah lawmthu a sawi a. Mizoramin Forest leh Agriculture lama sum chang thei hausakna namemlo kan neihte haichhuah tur a awm thu sawiin, handloom leh handicrafts lamah pawh kan la inpholan tam tawk loh avangin hriat kan la hlawh tawk lo mai a ni a.Chuvangin hetiang neih theihna hun Confederation of Indian Industries in hma a rawn la hi a lawmawm tak zet a ni a ti a. Mizoram chu sawiloh, inkalpawhna a that tawk loh avangin India hmarchhak pum hi India ram nawlpuiin min hre lo hle a ni tiin, tunah chuan central sorkarin hmasawnna kalchhohpui danah kawng thar duangin, chumi chuan India ram khawilai pawh inhnamhnawih vekin rualkhai takin hmasawnna kan neih tlan theih a beiseiawm a ni a ti.
Ramri a insumdawn tawnna Myanmar nen mumal zawka kan neih theih nan Union Minister for Commerce pawhin Zokhawthara Land Custom Stations chu hawn a inpeih reng a ni a ti a. Kaladan Multi Modal Transport Project pawh India leh Myanmar lawngchawlhna te hmanga, chuta tanga Mizoram kaltlang India hmarchhak hmun hrang hranga bungrua te phurh theih anih hunah Mizoramin nasa takin hlawkna kan hmu thei dawn a ni a ti a. Hemi a Motor kawngpuilian Myanmar leh Mizoram chhung inkalpawhna siam tur atan pawh central sorkar-in cheng vaibelchhe 660 remti tawhin, a lungphum pawh Union Minister for Surface Transport & Highway Pu Kamal Nath pawhin rawn phum a tum thu Chief Minister hian a sawi bawk a ni.
Pu Lal Thanhawla chuan Mizoramin Industrial Policy tha tak ‘Investor Friendly Industrial Policy’ kan thu sawilangin, industry a tuimi zawng zawngte chuan kan thalai lehkhathiam hna hmulo te chhawr tangkai tura chahin a ngen nghal bawk a ni.
North East Expo : Mizoram hi Confederation of Indian Industry (CII), DONER leh Mizoram sorkar Department of Industries tangkawp ina buatsaih a ni a. CII a Department of Initiative Pi Indrani Kar in a kaihruai a ni.
Ramri a insumdawn tawnna Myanmar nen mumal zawka kan neih theih nan Union Minister for Commerce pawhin Zokhawthara Land Custom Stations chu hawn a inpeih reng a ni a ti a. Kaladan Multi Modal Transport Project pawh India leh Myanmar lawngchawlhna te hmanga, chuta tanga Mizoram kaltlang India hmarchhak hmun hrang hranga bungrua te phurh theih anih hunah Mizoramin nasa takin hlawkna kan hmu thei dawn a ni a ti a. Hemi a Motor kawngpuilian Myanmar leh Mizoram chhung inkalpawhna siam tur atan pawh central sorkar-in cheng vaibelchhe 660 remti tawhin, a lungphum pawh Union Minister for Surface Transport & Highway Pu Kamal Nath pawhin rawn phum a tum thu Chief Minister hian a sawi bawk a ni.
Pu Lal Thanhawla chuan Mizoramin Industrial Policy tha tak ‘Investor Friendly Industrial Policy’ kan thu sawilangin, industry a tuimi zawng zawngte chuan kan thalai lehkhathiam hna hmulo te chhawr tangkai tura chahin a ngen nghal bawk a ni.
North East Expo : Mizoram hi Confederation of Indian Industry (CII), DONER leh Mizoram sorkar Department of Industries tangkawp ina buatsaih a ni a. CII a Department of Initiative Pi Indrani Kar in a kaihruai a ni.
Attachment
- Loading attachment...
