Mizoram Hockey Association in a buatsaih, Mizoram-a Grand Mizoram Hockey Championship hmasa ber, Ramhlun Sports Complex-a neih chu vawiin khan Chief Minister Pu Lal Thanhawla chuan a hawng.
 
 
Chief Minister chuan thalaite chu ram kal chho zelah mi pawimawh tak tak an la nih tur thu sawiin, an in telkhawmna tawhah chuan sorkar chuan tel ve zel a tum dawn a ni, a ti a.Thalaite hian cho chhuah tham talent an nei tih pawh sorkar chuan a hria a, ala cho chhuak thiamlo mai a ni a ti. Hockey hi Mizote game tih theih ber nia alan thu sawiin, India rama game chungnung tak thin leh khawvel-ah a ber alo nih tawh thinna tlahniam ta hi, Mizo thalai te chu a tungding lehtu, tuai thar tu leh siam tha tu ni thei an nih avangin an la pawimawh hle dawn a ni a ti. Chuvangin hetiang infiamna pawimawh tak MHA ten an buatsaih chu lawmawm tiin, infiammi te chu India hming ti thatu nih tum turin a chah a ni.

He Championship-ah hian Mizoram hmun hran hran atangin team 16 an lut a. Group 4 ah thenin, group tinte hi league system-in an khel phawt anga, chumi zawhah knock out a khelh chhunzawm a ni ang.

Attachment

  • Loading attachment...