Regional Institute of Paramedical & Nursing Sciences (RIPANS) atanga B.Sc.(Nursing), B.Sc.(MLT), B.Pharm. leh Diploma in RICIT leh Diploma in OT zirlai hlawhtlingte tan vawiin khan Vanapa Hall-ah ‘Graduation & Lamp Lighting Ceremony’ neih a ni a, he hunah hian Mizoram Governor Lt.Gen(Rtd) M.M.Lakhera chu Khuallian a ni.
Governor chuan zirlai passed chhuakte hnenah Certificate leh lawmman hlanin an hlawhtlinnaah lawmpuina leh an hmalam hun zel atan a duhsakna a hlan a. Mihring enkawlna hna chu hna zahawm a ni tiin Governor chuan damdawi pawhin a tihdam theih tawh loh chinah hmangaihna leh khawngaihna nena damlote enkawlna chuan a tidam thei fo thin a ni, a ti. Zirna in reng reng chu a building len leh mawina atanga teh ni lovin a zirlai zirchhuakte nungchang atanga teh a nih fo thin avangin RIPANS zirlai chhuak turte pawh an hnathawhna ah rinawm leh taima taka an thawh chuan an mimal hming mai bakah RIPANS hming pawh an ti tha zel dawn a ni tiin a fuih bawk.
RIPANS Director Dr. Lalsanglura Ralte chuan an zirlaite hlawhtling taka Nursing leh Pharmalogical Sciences an pass thei chu RIPANS tan thil chhuanawm tak a ni, a ti a. B.Sc.(MLT) ah 76.92% chu 1st Divn. ah an pass a, B.Sc.(Nursing)-ah 1st Divn 100%, B.Pharm.-ah 1st Divn. 71.42% a ni a; Mizoram Science Council for Technical Education (MSCTE) hnuaia RICIT-ah 1st Divn. 80% leh OT-ah 1st Divn. 60% an awm tih a tarlang. RIPANS atanga zirchhuak 80-90% te chuan hna an hmuh zel a thu a sawi bawk.
Vawiina neih tak RIPANS Graduation & Lamp Lighting Ceremony-ah hian zirlai hlawhtlingte bakah RIPANS hnuaia B.Sc.(nursing) Batch hmasa ber 2000 kuma pass chhuak Nl.Lalrambuatsaihi Jahau, Bethlehem Vengthlang chu a thawhna Southern Health Hospital, Sydney, Australia chuan a hnathawh that em avanga ‘Excellency in Service Award’ a hlan avangin RIPANS Director-in lawmpuina a hlan a ni.
Regional Institute of Paramedical & Nursing Sciences (RIPANS) hi North Eastern Council (NEC) hnuaiah kum 1995-96 atang khan din tan a ni a; April ni 1, 2007 atang khan Ministry of Health & Family Welfare hnuaiah a awm ve thung a ni. RIPANS-ah hian Degree Course 3 leh Diploma Course pahnih zir theih a ni a, hmarchhak state 8 ten RIPANS-ah hian quota an nei vek a ni. Tuna zirlai an neih dan chu Nursing-ah 141, Pharmacy-ah 121, MLT 132, RICIT 49 leh OT 34 te an ni.
RIPANS Director Dr. Lalsanglura Ralte chuan an zirlaite hlawhtling taka Nursing leh Pharmalogical Sciences an pass thei chu RIPANS tan thil chhuanawm tak a ni, a ti a. B.Sc.(MLT) ah 76.92% chu 1st Divn. ah an pass a, B.Sc.(Nursing)-ah 1st Divn 100%, B.Pharm.-ah 1st Divn. 71.42% a ni a; Mizoram Science Council for Technical Education (MSCTE) hnuaia RICIT-ah 1st Divn. 80% leh OT-ah 1st Divn. 60% an awm tih a tarlang. RIPANS atanga zirchhuak 80-90% te chuan hna an hmuh zel a thu a sawi bawk.
Vawiina neih tak RIPANS Graduation & Lamp Lighting Ceremony-ah hian zirlai hlawhtlingte bakah RIPANS hnuaia B.Sc.(nursing) Batch hmasa ber 2000 kuma pass chhuak Nl.Lalrambuatsaihi Jahau, Bethlehem Vengthlang chu a thawhna Southern Health Hospital, Sydney, Australia chuan a hnathawh that em avanga ‘Excellency in Service Award’ a hlan avangin RIPANS Director-in lawmpuina a hlan a ni.
Regional Institute of Paramedical & Nursing Sciences (RIPANS) hi North Eastern Council (NEC) hnuaiah kum 1995-96 atang khan din tan a ni a; April ni 1, 2007 atang khan Ministry of Health & Family Welfare hnuaiah a awm ve thung a ni. RIPANS-ah hian Degree Course 3 leh Diploma Course pahnih zir theih a ni a, hmarchhak state 8 ten RIPANS-ah hian quota an nei vek a ni. Tuna zirlai an neih dan chu Nursing-ah 141, Pharmacy-ah 121, MLT 132, RICIT 49 leh OT 34 te an ni.
Attachment
- Loading attachment...
