Chief Minister Pu Lal Thanhawla chuan nimin khan Champhai leilet zawla Phaizau Minor Irrigation Project a hawng.
Hawnna inkhawm Pi L.Tochhawng, Principal Secretary kaihhruaiah hian thu sawiin Pu Hawla chuan Corruption, a zung nen lama kar phawnga, phoro kan tum chungchangah mi tam takin hremna kan pek ngam tak tak an rin loh thu an sawi thin a, Corruption titute hi kan hrem dawn lova, a hrem theitu pawh kan ni hek lo, Dan in a hrem mai zawk dawn a ni, a ti. Mirethei VIP chungchanga sawifiahin - mi thatchhia, zawmthaw leh hnathawh peih loh avanga retheite hi kan VIP ah an tel lova, mi taima, rim taka hnathawk chung pawha dingchhuak zo lo te hi kan VIP kan tihte chu an ni a, an dinchhuah theihna turin NLUP hmangin kan khai chhuak dawn kan ti a ni, a ti.
Pu Lal Thanhawla chuan Mizo mipuite hi hnam thatchhia kan ni, a ti a, kan ramah hnathawh tur a vang, kan ti thin a, mahse kan thawh peih loh thawk turin Burma atang leh Silchar phai atangin hnathawktu tur kan chaw lut a, tunah hian Mizoramah mikhual Nuai 2 vel kan chawm reng a, anni ho hian hmun hla zawka an chhungte an chawm thei a ni, tiin tuna kan thalaite nunphung hi chu “Hnam Boral zia” a ni a ti a, a thim zawnga thlir chuan kan ram hmabak hi a chhe hle a ni tih sawiin rampawn mite thawhtur awm lo khawpa hnathawh kan in tih hmuh hunah kan ram hian hmasawnna lam a hawi thei chauh dawn a ni, a ti bawk.
Chief Minister chuan inthlan hnuhnung bera MLA 40-a 32 lai kan neih theihna chhan chu mipuiin rorelna dik leh tha an duh vang a ni a, tunah hian kan ram kaihruaitute hian mipui hmangaih takin rorelna kalpui an tum mek a, mipui dik leh tha, taima an duh ve tho a, Mizo mipuite hi chutiang ni tur chuan kan in buatsaih a tul a ni, a ti. CM chuan Central atangin sum engzat pawh lokal se taimakna leh rinawmna nena kan lo chhan let loh chuan kan tan chhiatna a tling thei a, Mizorama sualna 75% hi Mizoram pawn atanga rawn lutte thiltih a ni tih sawiin hengte hi kut hnathawh kan peih loh avanga kan thlentir a ni pakhat a ni, tiin Mizo mipuite chu “Hawh teh u, i din thar leh ang u” tiin a sawm a ni.
Agriculture Minister Pu H.Liansailova pawhin thu sawiin Phaizau MI Project kan hawnah hian Chief Minister hova kan rawn thawk rup hi intih ropui kan tum vang a ni lova, kut hnathawktute tana kan Programme bul tanna a nih avangin kan ngai pawimawh a ni, a ti. Officer hnathawk tha te tan zalenna zau tak kan pe a, a thawk tha peih lo te tan chuan a pawi hle thung dawn a ni, a ti a, NLUP hi ram leilung behchhana kan tu leh fate thlenga eizawnna tling tur kan siamsakna tur a ni a, Vawk leh Ar vulh vel mai mai kan thlang hi chu kan thil tum nen a inpersan lutuk a ni, a ti. Minister chuan Tlangsang-a Alu chin hi ramngaw thiahna a nih avangin kan phal tawh lova, Alu chi pawh hemi atan hian kan pe tawh dawn lo a ni, a ti a, Tractor leh Power Tiller an semchhuahte chu tihral phal a ni lova, Affidavit-a inziak ang takin dik lo taka ti riral te chungah Action kan la ngei dawn a ni, a ti bawk.
Vawiina Phaizau MI Project hawn thar hian Hectare 100 a huam a, Loneitu 62 ten an chhawr tangkai tura beisei a nih laiin Zau dan ami ten an chhawr tangkai theih avangin Loneitu 80 velin an chhawr tangkai tura ngaih a ni a, nikum chhung khan Phaizau MI Project atanga Buh, Antam leh thil dang an tharchhuah atangin Rs. 73,63,810 an lei chhuak a ni.
He inkhawmah hian Pu K.S.Thanga, Parliamentary Secretary pawhin thu a sawi a, Agriculture Director (R & E) Dr. OP Singh leh (CH) Bhatacharjee leh Er. L.Malsawma EE,, Champhai District MI ten report an pe a ni.
Pu Lal Thanhawla chuan Mizo mipuite hi hnam thatchhia kan ni, a ti a, kan ramah hnathawh tur a vang, kan ti thin a, mahse kan thawh peih loh thawk turin Burma atang leh Silchar phai atangin hnathawktu tur kan chaw lut a, tunah hian Mizoramah mikhual Nuai 2 vel kan chawm reng a, anni ho hian hmun hla zawka an chhungte an chawm thei a ni, tiin tuna kan thalaite nunphung hi chu “Hnam Boral zia” a ni a ti a, a thim zawnga thlir chuan kan ram hmabak hi a chhe hle a ni tih sawiin rampawn mite thawhtur awm lo khawpa hnathawh kan in tih hmuh hunah kan ram hian hmasawnna lam a hawi thei chauh dawn a ni, a ti bawk.
Chief Minister chuan inthlan hnuhnung bera MLA 40-a 32 lai kan neih theihna chhan chu mipuiin rorelna dik leh tha an duh vang a ni a, tunah hian kan ram kaihruaitute hian mipui hmangaih takin rorelna kalpui an tum mek a, mipui dik leh tha, taima an duh ve tho a, Mizo mipuite hi chutiang ni tur chuan kan in buatsaih a tul a ni, a ti. CM chuan Central atangin sum engzat pawh lokal se taimakna leh rinawmna nena kan lo chhan let loh chuan kan tan chhiatna a tling thei a, Mizorama sualna 75% hi Mizoram pawn atanga rawn lutte thiltih a ni tih sawiin hengte hi kut hnathawh kan peih loh avanga kan thlentir a ni pakhat a ni, tiin Mizo mipuite chu “Hawh teh u, i din thar leh ang u” tiin a sawm a ni.
Agriculture Minister Pu H.Liansailova pawhin thu sawiin Phaizau MI Project kan hawnah hian Chief Minister hova kan rawn thawk rup hi intih ropui kan tum vang a ni lova, kut hnathawktute tana kan Programme bul tanna a nih avangin kan ngai pawimawh a ni, a ti. Officer hnathawk tha te tan zalenna zau tak kan pe a, a thawk tha peih lo te tan chuan a pawi hle thung dawn a ni, a ti a, NLUP hi ram leilung behchhana kan tu leh fate thlenga eizawnna tling tur kan siamsakna tur a ni a, Vawk leh Ar vulh vel mai mai kan thlang hi chu kan thil tum nen a inpersan lutuk a ni, a ti. Minister chuan Tlangsang-a Alu chin hi ramngaw thiahna a nih avangin kan phal tawh lova, Alu chi pawh hemi atan hian kan pe tawh dawn lo a ni, a ti a, Tractor leh Power Tiller an semchhuahte chu tihral phal a ni lova, Affidavit-a inziak ang takin dik lo taka ti riral te chungah Action kan la ngei dawn a ni, a ti bawk.
Vawiina Phaizau MI Project hawn thar hian Hectare 100 a huam a, Loneitu 62 ten an chhawr tangkai tura beisei a nih laiin Zau dan ami ten an chhawr tangkai theih avangin Loneitu 80 velin an chhawr tangkai tura ngaih a ni a, nikum chhung khan Phaizau MI Project atanga Buh, Antam leh thil dang an tharchhuah atangin Rs. 73,63,810 an lei chhuak a ni.
He inkhawmah hian Pu K.S.Thanga, Parliamentary Secretary pawhin thu a sawi a, Agriculture Director (R & E) Dr. OP Singh leh (CH) Bhatacharjee leh Er. L.Malsawma EE,, Champhai District MI ten report an pe a ni.
