Vawiin khan Industry department hmalak mekna te leh harsatnate Chief Secretary Conference Hall-ah sawiho a ni a. Hmasawnna chak zawk leh mipuite hamthatna chak zawk a kalpui anih theih nan tun aia thuk zawka in pe turin Chief Secretary in department officer te a fuih a. Hlemhletna leh dik lo taka mahni hamthatna haitute chungah a tul anga action lak anih tur thu a sawi rualin pawn lam atanga diklo taka nawrna pawh dawl zo thei turin official te tang mar turin a fuih bawk.
 
 

He review meeting-ah hian Pu Shurbir Singh, IAS, Director chuan power point presentation a pe a, department leh a hnuaia Public Sector Undertaking (PSUs) te hmalak hrang hrang - Oil & Gas, Minor Minerals, EDP, Food Processing, Infrastructure Development, E & IT, Tea Development leh Bamboo Development Agency te thlir ho a niin Pu R.L. Rinawma, IRS, Commissioner & Secretary kaihhruaina hnuaia department hmalakna ah Chief Secretary a lawm hle a, hmasawn zel turin duhsakna a hlan rualin beiseina sang tak a neih thu a sawi.

Attachment

  • Loading attachment...