3262/2023-2024

Dated Aizawl, the 6th January, 2024: Vawiin tlai khan Chief Minister Pu Lalduhoma chuan Delhi leh Kolkata-a a zinna chungchang Press Conference, CM Conference Hall ah a nei.

Chief Minister hi vawiin chawhnu khan Aizawl a rawn thleng a, a thlen rual hian Press Conference hi a nei nghal a. Delhi-a Prime Minister, Home Minister, External Affairs Minister, Minister of Road Transport & Highways leh Central Civil Aviation hotute nena an inkawmna chungchang te, Kolkata lama British Dy. High Commissioner, In charge of east India nena an inkawmna te, Merchants' Chamber of Commerce & Industry ten amah chawimawina leh inkawmna an neih chungchang te leh hmalakna dang a neih hrang hrangte chanchinbumite hmaah hian chipchiar takin a sawi a ni.

Chanchinbumiten zawh belhna an neihte pawh Chief Minister hian a chhang bawk.

Vawiin Press Conference-ah hian chanchinbumite an kal tha hle a. Chief Minister hian lawmthu hrilhin, "Press Conference hi kan la nei fo dawn a, thahnemngaia rawn tel zel thin turin ka ngen che u a ni", a ti.