Vawiin khan Ramhlun Indoor Stadium chu Chief Minister Pu Lal Thanhawla’n a hawng. Hawnna programme he Stadium Multipurpose Hall-a neih chu Sports & Youth Services Minister leh President, Mizoram State Sports Council ni bawk Pu Zodintluanga chuan kaihruaiin Chief Minister Pu Lal Thanhawla chu khuallian a ni a, Finance Minister leh bialtu MLA ni bawk Pu H. Liansailova chu khualzahawm a ni. He hun hi Deputy Chief Whip Pu R.L. Pianmawia leh Chairman, Mizoram Law Commission Pu R. Lalrinawma te pawhin an hmanpuiin Rev. Chawnghranga chuan hunserh a hmang.

Chief Minister Pu Lal Thanhawla chuan tanrual hi chakna a ni tiin Stadium tha tak leh changtlung tak hawn tak atang hian a lang a chiang hle a, Sawrkar leh mipui thawhhona a that avangin Stadium hi hawn theih in a awm ta a ni, a ti. Sports Minister viak tha leh a ngaihna hria, thalai te tana hmathlir thiam leh hmathlir zau takkannei hikanvannei a, a kaihruaina hnuaiah nasa takin sports lamah hmakansawn a ni, a ti. Tunhnaia infiamna ruangam tha – Football stadium te, artificial grass phah te, Hockey khelna hmuna artificial grass phah te, Indoor Stadium changtlung tak te kan nei hian infiamna leh a ruangam lamah Hmarchhak biala hmasawm chak ber kan ni a ti lang a ni  tiin, hengte hi Pathian kaihruaina ropui kan dawn avangin leh mipui tawiawmna a that vang a ni, Chief Minister chuan a ti.

Pu Lal Thanhawla chuan Sawrkarin thalai te tan khawvel thar a buatsaih mek thu sawiin zirna in tha kan la neih ngailoh NIT leh IIMC te a awm tawh a, Sainik School sak mek a ni a, Hotel management zirna pawh buatsaih chho mek a nia tiin heng zirna in hmang hian sawrkar chuan khua leh tui tha chherchhuah a tum thu a sawi. Infiamna hmangin eizawnna tha leh sum thianghlim tak thalai ten an la lut thei a ni tiin Jeje Lalpekhlua leh Lalrindika Ralte leh infiammi midang hlawhtling te hi thalai te tan an entawntlak hle thu a sawi bawk.

Finance Minister leh bialtu MLA ni bawk Pu H. Liansailova chuan Ramhlun Indoor Stadium sak anih theih nan State Plan atanga sum ruahhman a nih thu sawiin Chief Minister leh Sports Minister ten mipui mamawh leh thalai te rualawhna hria a, Stadium-a puitling thei nan theihtawp an chhuahna ah leh an inpekna ah hian bial mipui aiawhin lawmthu a sawi. Pu H. Liansailova chuan Sawrkar programme leh  ruahmanna hrang hrang te a hlawhtlin ngei theih nan hruaitu hmathlir nghet nei an pawimawh thu sawiin Sawrkar in tumruhna nen hengte hi a kalpui chhung chuan hmabak eng takkannei a ni a ti.

Programme kaihruaitu Sports Minister chuan Ramhlun Indoor Stadium hman tlaka, Ramhlun leh Mizoram mipui te tana hawn a nita chu lawmawm a tih thu sawiin hemi atana Chief Minister leh bialtu MLA hmalakna ah lawmthu a sawi bawk. Sawrkarin mipui ten eizawnna ngelnghet an neih theih nan NLUP hmanga nasa taka a thawh rualin thalai ten infiamna hmanga eizawnna an neih theih nan nasa takin ngaituahna nasa takin a seng a ni a ti. Thalai ten infiamna khawvelah hming an chher a, Mizoram lehIndiaan tih hming that theih nan Mizoram dung leh vanga infiamna hmun hma te chhawpchhuakin a buatsaih mek zel thu a sawi a, hengte hi tangkai taka hmangturinthalai te a chah a ni.

He hunah hian Technical Report chu Pu C. Lalthantluanga, Secretary Mizoram State Sports Council chuan a pe a, Pu K. Thanhlira, Chairman, Ramhlun Citizen Committee chuan thusawina hun a nei bawk.

Kum 2010 khan Sorkar hma lakna in, he Indoor Stadium sak hna hi bul tan that leh a ni a. Hemi atan hian Rs. 234.00 lakhs ruahman niin, Pu Dalkhena Ramhlun Veng chuan he Stadium sak hna hi ni 14.12.2010 khan bultan in ni 20.7.2013 khan tha takin a zo fel.  

Ground Floor ah hian Motor Car 25 leh Two Wheelers 30 nos park theih na a awm a, chu bakah Store Room (3.00 metres x 6.00metres) leh Reception room (4.50 x3.50mts) a awm bawk.

First Floor hi Multi-purpose Hall atana ruahman a ni a. Hetah hian Stage (7.40x.5.00 mts) bakah, Hall area 19.40x l5.00 mts a zau a awm bawk. Green room pahnih (3.70x3.36mts) leh store room pakhat  (4.40x4.40mts) a awmin mipa leh hmeichhe inthiarna

Top Floor hi Badminton hall atana ruahman niin,Badminton Courtpathum dah a ni a. A chhuat atan wooden flooring hman niin, playing area hi 27.00x18.30 mts a zau a ni a, mi 400 thut theihna tur Gallery a awm bawk.  Hemi bakah hian Stage ( 4.40x5.60mts ) leh inthiarna a awm bawk.

Ramhlun United Badminton Club chuan hetiang Indoor Stadium changkang tak World classkanneih theihna tura hma latu te Chief Minister, Sports Minister, Bialtu  MLA leh MSSC chungah lawmthu sawina press release he hunah hian an sem bawk a ni.