No.3624/2021-2022 
Aizawl 11.01.2022: Tukin khan Chief Minister Pu Zoramthanga chuan Sairang Dinthar a Food Corporation of India hnuaia Food Storage Depot, 10,000 MT dawng thei sak tura buatsaih mek chu a hmunah a tlawh.

He project hi Central PWD hnuaia thawh niin, contractor chu M/s Eastern Trading Corporation a ni a. June, 2021 kha bultan niin, kum hnih chhunga sak zawh tura ruahman a ni a. Chief Minister chuan țhal lai hian hna a tam thei ang ber thawh zawh tum turin thawktute chu a chah a. Electricity leh mamawh dang state sawrkar nen indawr a enho ngaite pawh bawhzui thuai turin a kaihhnawih state department hotute a hrilh bawk a ni.

Chief Minister hi FCS&CA Minister Pu K. Lalrinliana leh AMC Dy. Mayor Pu R. Thanglura te'n tawiawmin, FCS&CA, PWD, P&ED hotu te an tel bawk a. CPWD leh FCI hotute'n an lo dawngsawng a ni.