Chief Minister Pu Zoramthanga chuan vawiin khan Saitual District DC Office complex hmun tur leh sawrkar office dangte awmna tura ruahman chu Saitual DC leh SP te tawiawmin a tlawh.

Chief Minister chuan sawrkar office hmunte chu a dawrtu tur mipuite tana remchang thei tur berin leh, khua than belh zel theihna tur ngaihtuah chunga ruahman tha a tih thu a sawi a. Deputy Commissioner office leh a thawktute pawh tluang taka hna an thawk chho thei zel chu lawmawm a tih thu leh, hmabak tam tak la awm te chu sawrkarin theihtawp chhuahin tihfel zel a tum thu a sawi bawk. Chief Minister hian nimin khan Khawzawl DC Office hmun tur a thlithlai pui tawh bawk a ni.