Tukin khan Deputy Chief Minister Pu Tawnluia chuan Khawzawl district tih changtlun nana sawrkar department hrang hrang awmna tur hmunhma an endik a, Pu C Lalmuanpuia, MLA chuan Deputy Chief Minister hi a tawiawm a. Rural Development Department, Urban Development and Poverty Alleviation Department, Accounts & Treasuries Department, Information and Public Relations Department, Health and Family Welfare Department, Land Revenue & Settlement Department leh Public Works Department a hotute leh khawtlang hruaitute he hunah hian an tel a ni.

Vawiin hian Sub-district hospital leh CMO office a tlawh a, Khawzawl Kawnzar  a Sports complex sakna tur, District Treasury Office, Mualzawm field a phul lem phah dan tur te en in,  DC office complex leh SP office tur hmunhma te en a ni.

MLA Local Area Development scheme hnuaia Puanthuikhawl leh rangva semna hun Bazar zawl, Khawzawl Dinthar ven ah hman zui a ni a. Pu Tawnluia chuan bial chhunga tanpuina mamawh te tan MLA fund chu tangkai taka hman a nih tur thu a sawi a, a mamawhtu dik tak te hnen a thlen theih nan khawtlang hruaitute leh pawl hrang hrangte nena thawhhona tha a awm a ngaih thu a sawi bawk.

He hun hi Dr Saithangpuia, BDO Khawzawl in a kaihruaia mi 105 hnenah puanthuikhawl hlan niin rangva tel 142 pekchhuah a ni bawk.

Attachment

  • Loading attachment...