Vawiin chawhma 9:30Am khan Mizoram Football Association(MFA) leh Siaha District Football Association(SDFA) te buatsaih Inter-District Women's Football Tournament-2019 chu Siaha District Playground-ah  hawnna hun hman a ni.Pu N.Zakhai,CEM,MADC chuan khuallian niin, tournament hawnna hi a hmanpui a. SDFA hnenah tanpuina tangkafai Rs.20,000/- a hlan nghal bawk.

He hun hi Pu  V.T. Martin Vabeiduakhei, Sr. Vice President, SDFA chuan a kaihruaiin;
Pu T. Samueal, Adviser, SDFA chuan Devotion  a hmang a. Pu Beirahmo Syhly, President, SDFA chuan  district 6 atanga hmeichhe Footballer
lo kalkhawm te leh mipui lo kalkhawm te chawnglawmna thu a sawi. Pi P.Chaki,President,MCHP(H) pawhin thusawina hun a hmang bawk.

 Vawiin hun hmanah hian malzai, hnam lam leh group dance te entir a ni bawk.

Pu K.Malsawmdawngliana,Jt.Secretary,SDFA in lawmthu sawinain tournament hawnna hun hi a khar ta a ni.

Inter-District Women's Football Tournament, 2019 a Match hmasa ber-ah Aizawl DFA leh Lunglei DFA ten an khel ang a, Match hnihna-ah Champhai DFA leh Lawngtlai DFA te an intum ve leh dawn a ni.Tun tum tournament-ah hian Aizawl,Lunglei,Champhai,Lawngtlai,Kolasib leh Siaha District te an tel a ni.