2771/2026-2027

Dated Aizawl, the 22nd October 2026: Tukin khan Chief Minister Pu Lalduhoma chuan a chenna inah Mizoram tlawha lo zin mek General Lyndon Buckingham, 22nd General of The Salvation Army leh a nupui, Commissioner Bronwyn Buckingham, World President of Women’s Ministry te chu tukthuan a eipui. Power & Electricity Minister Pu F. Rodingliana’n a telpui bawk.

Chief Minister chuan, Mizoram sokar leh Mizo mipuite aiawhin a lo lawm a. The Salvation Army ten ram hrang hrang 134 a rawng an bawlna, inthliarna tel lo va hma an laknate chuan a rilru a hneh thin thu General te nupa hi a hrilh a. Ruihhlo ngaite chhanchhuahna (De-addiction) lamah te, humsual daiten lei rem an rah lehna tura hmalakna (Rehabilitation & care for the vulnerable) ahte sorkar nena thui taka thawhho theih a nih thu a hrilh a. Mizoram an rawn tlawh chu an tan malsawmna leh chak thar an hmuhna ni turin duhsakna a hlan a ni.

General Lyndon Buckingham pawhin Mizoramin a lo mikhual danah an lawmthu Chief Minister hi an hrilh a. Nizan lamah Home Minister-in zanriah min buatsaihsak tawh bawk a. Kan lawm em em a ni, a ti. Indian Eastern Territory-a Salvation Army kal tluanna chhan pakhat chu kan hmalakna tam tak hi Mizoram sawrkarin tihhlawhtlin a tum ve tho thilte an nih thin vang a ni, tiin sorkar nena tum thuhmun neia kal an nihzia a tarlang.

Commissioner Bronwyn Buckingham chuan tawngtaiin lawmthu a sawi a, Chief Minister leh a nupui leh a rorelpuite tan finna, hriselna leh venhimna a dilsak a ni.