2770/2026-2027

Lawngtlai, the 22nd October, 2026 : Vawiin chawhma dar 11:00 AM khan DC Offic Chamber, Lawngtlaiah Bawrhsap Pu Donny Lalruatsanga kaihhruaiin Lawngtlai District chhunga Certificate lem siam leh dan lova pekchhuah chungchangah thutkhawmna neih a ni.

Pu Donny Lalruatsanga chuan kalkhawmte hnenah lawmthu a sawi a. Certificate diklo (a lem) tam tak CYLA lam atanga hmuhchhuah a ni a, hei hi ram leh hnam tan thil pawi tak a ni a, kan him  theih nan Certificate (lem) pek chhuah hi tih tak zeta do a ngai a ni a ti. Tun hnaia SIR Appeal hearing neih ah pawh Birth Certificate dik lo a tam em em a, a bik takin 'Registrar of Births & Deaths' te fimkhur thar turin a chah a. Hun kal tawh ah diklo tam tak a awm tih sawiin, tunhnuah khauh taka hmalak zel a tul tiin, dan kalha Brith Certificate - siam leh pechhuak thinte chungah dan anga hremna kalpui a ni ang a tibawk.

Pu VL Nghakmawia, Dy. Director leh Pu RK. Lalrinawma, Asst. Director, Economic & Statistics - te chuan CYLA - te hmalakna fakawm an tih thu an sawi a.Thawktu indaih lohna phuruk turin hmalak mek a nih thu leh Lawngtlai DRO Office-  ah pawh thawktu pathum dah belh a nih tur thu ngaihthlak ani.

Pu F. Lalrothanga, President CYLA chuan SIR kalpuiah  Birth Certificate - lem a tam hle a, hmuh chhuah thar zel a ni a, a pawi hle a ni a ti. Hmalam hunah pawh CYLA - chuan ram leh hnam tana hmalak zel an tum thu sawiin, RBD te pawh fimkhur tlang turin a chah a ni.

Thutkhawm chuan DRO Office leh Registrar of Births & Deaths' ten 'Birth Certificate' siam dil tute chu SIR 2005 & 2026 record innghahna a hmanga siamsak ni se an ti a, Registrar of Births & Deaths' - te tan November chawlhkar hnihna  hmain 'Online Training' buatsaih ni se, Compliance report - DC Office - ah thehluh nise tih a ni bawk. Secretary, Planning, Govt. Of Mizoram hnenah khaw-8 (Pariat) a RBD - hmasate laka hremna lekkawh tur leh Birth Certificate (lem) an mahni biala mi lakhawm tura thlen turin Director, Economic & Statistic ah thehluh ni se an ti bawk a ni.

Thutkhawmah hian Addl. DC; SDO (Sadar); DRO; CYLA Office Bearers - te bakah Chamdur 'P', Chamdurtlang, Zochachhuah, Sabualtlang, Ngengpuikai, Saibawh leh Hmawngbuchhuah a Registrar of Births & Deaths' - te koh an nih angin an tel bawk a ni. Bawrhsap chuan lawmthu sawiin thutkhawm hi a khar.