1540/2026-2027 

Aizawl the 28th July 2026: Vawiin khan Chief Minister Pu Lalduhoma chuan CM Conference Hall-ah SASCI 2025-26 hmanga hnathawh zawng zawng, Cyclone Remal 2024-25 Part I hna zawng zawng leh SASCI Reformed base Incentives 2026-27 hnuaia hnathawhte enpuina (review) meeting a nei. Chief Minister hi Pu Vanlalhlana, PWD Minister, Pu TBC Lalvenchhunga, Adviser to CM leh Pu Vanlaldina Fanai, Commissioner & Secretary to CM leh Finance official-ten an ṭawiawm a ni.

SASCI Project hrang hrang thawktu Department sawm (10) te chu a indawtin koh an ni a, an hnathawh tawh chin report te leh an hmabak la awmte sawipui an ni a. Hun tiam chhunga Utilization Certificate an thehluh theih dan tur te, Expenditure Sanction la peih fel lohte rang zawka bawhzui dan tur leh SASCI Fund thar lo kal leh turte a rang lama an lo kal theih nana inbuatsaihnate an sawiho a ni.