1345/2022-2023
25.07.2022: Chief Minister Pu Zoramthanga chu vawiin khan Serchhip tlawhin, Serchhip District Hospital hmunhma leh PWD office complex te a tlawh a ni.

Serchhip District Hospital building thar sakna tur Bukpui a ruahman chu Chief Minister ho hian en a ni a. A bultanna tur Mizoram sawrkarin cheng vbc 13 a sanction tur thu sawiin, damdawi in dinglai tibuai lo in tunah Bukpui ah hian a sak hna a hma thei ang bera tan tha a tih thu a sawi. Hospital building sakna tur Power Grid Corporation of India atanga cheng vbc 20 bawr vel lo hmuh tawh bakah mamawh dang - quarter leh a panna tur kawng siamna leh adangte dinna turin sawrkarah hian cheng vbc 13 dil a lo ni tawh a ni.

Serchhip Bazar zauh tura ngenna bawhzuiin Chief Minister chuan Bazar bula PWD SDO quarter, bazar zauhna tura beisei chu enho a ni a. SDO quarter sawn theihna tur remchang New Serchhip a PWD Complex hmunhma a thlithlai pui bawk.

Chief Minister chuan vawiin khan Serchhip Auditorium-ah leh Thenzawl Community Hall-ah vantlang inkhawm a hmanpui nghal a ni.

Chief Minister hi Dy. Speaker Er. Lalrinawma, Adviser to CM Pu C. Lalramzauva, Serchhip DC Pi Nazuk Kumar, Addl. SP Pu Saidingliana Sailo bakah District PWD hotute leh khawtlang hruaitute'n an tawiawm a ni.