Chief Minister Pu Lal Thanhawla chuan vawiin khan Serchhip DC Complex ah Serchhip District Local Administration Officer’s (DLAO) Office a hawng.
Chief Minister chuan building kan sakte hi hnam ro an nih avangin uluk tak leh ram tana hman tlak ngei a nih theih nan a bul atangin uluk taka kan sak a ngai a ni tiin, hemi hna thawh chungchangah a satu contractor in thui tak mawh a phurh laiin, a enkawltu, a supervisor pawhin mawh a phur a ni, a ti a. He DLAO Office building a hawn tak chu Chief Minister chuan a mit a tlun loh thu sawilangin, a sak hna hrim hrim (workmanship) tha tawklo a tih thu a sawi a. A hmun lei lai atanga pawisa kawngbo awm nia a hriatthu sawiin, hetiang thil awm thin avang hian Zoram in kum 10 kalta chhung khan kan nih tur ang kan ni pha lo a ni a ti a. Chuvangin kihhnawk thianfai chung zela sawrkar hi a kal avangin a kal chak theilo a ni, a ti.
DLAO Serchhip hi kum 2003 September thla khan Serchhip Bazar venga mi in thlatin Rs. 5000/- chawia luahin hna thawh bul tan a ni a. Vawiina a building awmna hmun hi cheng nuai 15 a leiin, a sak nan hian cheng nuai 60 sanction a ni. A sak hna hi PWD in sa in kum 2008 January thla khan sak bul tan a ni a. Ni 13 July 2009 khan zawhfel a ni.
A building hi RCC structure niin Mizopa chhiarin chhawng 3 a ni a. A design hi tunlai bera duan a niin, lirnghing pawh do zo tura sak a ni. A vaia a zau zawng hi 397.7 sq.m. a ni. He Building contractor hi Pu Vanhnuaithanga, Tuikhuahtlang niin, a sak hna enkawltu chu Pu R.Rinawma, Chhinga Veng, Aizawl a ni.
Hawnna inkhawm hi Serchhip DC Conference Hall-ah neih a ni a. Pu H.Darzika, DC in kaihruaiin, LAD Minister Pu P.C.Lalthanliana chu Khual Zahawm a ni a. Pu K.Lianzuala, Chairman, KVi, Pu RL Pianmawia, Govt. Dy.Chief Whip leh LAD Secretary Pu Rohmingliana te an tel bakah, Serchhip-a sawrkar hnathawk officers te an tel tha hle a ni.
DLAO Serchhip hi kum 2003 September thla khan Serchhip Bazar venga mi in thlatin Rs. 5000/- chawia luahin hna thawh bul tan a ni a. Vawiina a building awmna hmun hi cheng nuai 15 a leiin, a sak nan hian cheng nuai 60 sanction a ni. A sak hna hi PWD in sa in kum 2008 January thla khan sak bul tan a ni a. Ni 13 July 2009 khan zawhfel a ni.
A building hi RCC structure niin Mizopa chhiarin chhawng 3 a ni a. A design hi tunlai bera duan a niin, lirnghing pawh do zo tura sak a ni. A vaia a zau zawng hi 397.7 sq.m. a ni. He Building contractor hi Pu Vanhnuaithanga, Tuikhuahtlang niin, a sak hna enkawltu chu Pu R.Rinawma, Chhinga Veng, Aizawl a ni.
Hawnna inkhawm hi Serchhip DC Conference Hall-ah neih a ni a. Pu H.Darzika, DC in kaihruaiin, LAD Minister Pu P.C.Lalthanliana chu Khual Zahawm a ni a. Pu K.Lianzuala, Chairman, KVi, Pu RL Pianmawia, Govt. Dy.Chief Whip leh LAD Secretary Pu Rohmingliana te an tel bakah, Serchhip-a sawrkar hnathawk officers te an tel tha hle a ni.
