Vawiin khan Chief Minsiter Pu Lal Thanhawla chuan Serlui B Hydel Project a tlawh.
Chief Minister chuan Engineer ten a takin an thiamna an hman hmuh theiha awm chu midangte tana malsawmna a ni tih hre thara malsawmna kan dawn zel theihna turin malsawm tlaka thawk turin a fuih a ni. Chief Minister chuan helai hmun a tlawhna chhan sawiin Mizoram in Tourism Industry hi kan thil tih theih lian awmchhun a nih dawn avangin khual zin mite hip thei turin dil khuah hi engtia siam theih nge ni ang ti a thlithlai a nih thu a sawi. Pu Hawla chuan ram thang tak tak tur chuan power a tul a, chuvangin an hun hmasa atang khan Small Hydel Project hi a khuah theih apiang chu an lo khuah thin tawh thu sawi langin an hun laia state in thuneihna a neih MW 3 siam thei thin khan tunah chuan MW 25 thleng siam phalsak a nih tawh thu a sawi. Tunlai power harsatna sawi langin Tuirial Hydel Power Project kha a zawh hun turah zo nise hetiang em em hian tunah hian harsatna kan nei lovang a ti.
P & E Engineer-in-Chief Pu C.L.Thangliana chuan report pe in a khawl pahnih bun fel tawh MW 4 ve ve pe thei hi ni 10 chhung vela a taka hman theih a beisei thu a sawi a. A khawl pathumna MW 4 tho pe chhuak thei tur erawh chu thla hnih chhung vel a la ngaih tur thu a sawi a ni.
Chief Minister hian Serkhan ah Lal Thanhawla High School Building sak thatna tur lungphum a phum a, Lal Thanhawla H/S hi a hming chawia dah ni mahse a ngaihsak ngai loh thu leh cheng khat pawh a la sen loh thu a sawi a. Khawtual mipuiten luhlul chhuaha a duh lo chung a hming chawia hei leh chen kalpuia a sakthatna tur RMSA hnuai atanga cheng 58.12 an hmu chu an luhlul lawmman a ni tiin a lawmpui thu a sawi a. Central atanga Pawisa sawichhuah leh pawisa sawi chhuak theitu nih ai chuan dik taka hman a pawimawh ber fo zawk a ni a ti.
Chief Minister hi Industry Minister Pu S.Hiato, I & PR Minister Pu Zodingtluanga, Parliamentary Secretary Pu Lal Thanzara, Pu S.Laldingliana leh Pu Lalrinmawia Ralte te bakah Pu Lalrobiaka, ZIDCO chairman leh bialtu MLA K.Lalrinthanga ten an tawiawm a ni.
P & E Engineer-in-Chief Pu C.L.Thangliana chuan report pe in a khawl pahnih bun fel tawh MW 4 ve ve pe thei hi ni 10 chhung vela a taka hman theih a beisei thu a sawi a. A khawl pathumna MW 4 tho pe chhuak thei tur erawh chu thla hnih chhung vel a la ngaih tur thu a sawi a ni.
Chief Minister hian Serkhan ah Lal Thanhawla High School Building sak thatna tur lungphum a phum a, Lal Thanhawla H/S hi a hming chawia dah ni mahse a ngaihsak ngai loh thu leh cheng khat pawh a la sen loh thu a sawi a. Khawtual mipuiten luhlul chhuaha a duh lo chung a hming chawia hei leh chen kalpuia a sakthatna tur RMSA hnuai atanga cheng 58.12 an hmu chu an luhlul lawmman a ni tiin a lawmpui thu a sawi a. Central atanga Pawisa sawichhuah leh pawisa sawi chhuak theitu nih ai chuan dik taka hman a pawimawh ber fo zawk a ni a ti.
Chief Minister hi Industry Minister Pu S.Hiato, I & PR Minister Pu Zodingtluanga, Parliamentary Secretary Pu Lal Thanzara, Pu S.Laldingliana leh Pu Lalrinmawia Ralte te bakah Pu Lalrobiaka, ZIDCO chairman leh bialtu MLA K.Lalrinthanga ten an tawiawm a ni.
