Nithum awh Keifang-a Agriculture Exhibition buatsaih chu kar kalta Zirtawpni February 12 khan Agriculture changtu Parliamentary Secretary Pu K.S.Thang’an a khar.
Exhibition kharna Keifang Community Hall a neih hi Aizawl District Agriculture Officer Pu H.Thankhuma’n a kaihruai a. Parliamentary Secretatry Pu K.S.Thanga chuan tun sawrkar ah hi chuan Agriculture Department a mithiamte hi a tak takin hman tangkai an ni tawh dawn tiin an hun tam zawk pawh office pawn lamah loneitu leh kut hnathawk tute thlawhmaah hmangin hna an thawk tawh dawn a ni a ti a. Hetianga kalphung thar kalpui a nih chuan buh leh thlai intodelh kan hlat tawh lovang a ti. Pu K.S.Thanga chuan tuna kut hnathawktu te tana power tiller zathum dawn lai man tlawm zawk a pek chhuah hi mihring tha singruk dawn lai hen a nih avangin a dawngtuten tih tak zeta an hman tangkai chuan a chhenfakawm zia an hria ang a ti.
Exhibition kharna ah hian Mai Kg 32-a rit neitu hnenah ‘Queen of the Show’ leh Coconut bawr khat rah 28 ‘King of the Show’ dawngtu hnenah Parliamentary Secretary te nupa chuan lawmman an hlan a ni.
Tarlan tawh angin he District Level Agriculture Exhibition hi Agriculture Technology Mission Agency (ATMA) hmalakna a huaihawt a ni a. February 10-ah khan Home Minister Pu R.Lalzirliana’n a hawng a ni.
Exhibition kharna ah hian Mai Kg 32-a rit neitu hnenah ‘Queen of the Show’ leh Coconut bawr khat rah 28 ‘King of the Show’ dawngtu hnenah Parliamentary Secretary te nupa chuan lawmman an hlan a ni.
Tarlan tawh angin he District Level Agriculture Exhibition hi Agriculture Technology Mission Agency (ATMA) hmalakna a huaihawt a ni a. February 10-ah khan Home Minister Pu R.Lalzirliana’n a hawng a ni.
