Vawiin khan Aizawl District Fire Awareness Campaign kal mekah Sialsuk Group hovin Sialsuk leh Samlukhai ah Awareness Campaign hlawhtling tak an nei a. Sialsuk-ah hian an VCP Pu C.Thanzawna’n a kaihruai a, Team Leader Pu Lalthuamliana, District Education Officer leh BDO Aibawk leh RO, Forest ten thu an sawi a. Kumin ruahtui tlak tlem avangin khua a ro hle a, sawrkar pawh nasa takin kangmei ven chungchangah tan a la a, hei hi mipuiin thu awih taka kan zawm a pawimawh tak meuh a ni, an ti a. Tun kar chhung hian Aizawl District huam chhung khaw hrang hrangah Group 10 a inthenin kangmei laka invenna beihpui khawtinah an thlak dawn a. Mipuiin lo tawiawm theuh turin an ngen a ni.