Chief Minister Pu Lal Thanhawla chu New Delhia Plan Discussiona a tel hnuin vawiin khan dam takin Aizawl alo thleng leh a, Lengpui Airport atangin Zemabawk Helipad pan nghalin, Mizo thalai rual sipai tang tur thlahna hun buatsaih a hmanpui.
Chief Minister chuan Mizo thalai sipai tang tur te chu mahni hriselna lama inthunun thei mi an ni chu fakawm atih rualin an nu leh pa te hnenah lawmthu a sawi a. Khawvela sipai tha bera tang tur an ni tih inhriaa, Mizote palai,Mizote darthlalang an nih avangin hnamdang ringlo mite lakah entawntlaka khawsa a, missionary hna ang thawk turah inngai reng turin a chah a. Mizote chu hnam rinawm leh taima kan nih thinna kha an awmna zelah tinung thartu ni theuh turin a fuih bawk a. Chief Minister chuan khawhar leh lunglen te theihnghilh a, training hautak tak an hmachhawn turte chu zo taka paltlang tura chahin, sipai tang zel turte tana entawntlak ni turin a fuih bawk a ni.
Pu Hawla chuan sipaiah inzir zel duh tan zir chhohna hmun a inhawn thu sawiin, engineer leh doctorte tan pawh hmun a awm thu a sawi a. Sorkar pawhin thalai tam zawk sipaiah an tan theih nan leh commissioned officera awlsam zawka an luh theih nan Sainik School pawh chak taka din turin hmalak mek anih thu a sawi a. NCC te pawh sorkarin uar chhoh zel tum a ni a ti. Sipai lakna neih thin pawh Aizawlah chauh nilo, zokhua lamah te nei thin tura sipai thuneitute hnena an ngen thin thu a sawi bawk a ni.Chief Minister chuan sipai tang turte chu a tawp thleng theuh tura chahin, duhsakna a hlan a ni.
Lt.Col (Rtd) Z.S.Zuala, MLA pawhin fuihna thu a sawiah, sipai hi service zahawm ber a ni tiin,Kumpinu pawhin an lalchhungkua thlahte chu sipaiah an luh tir zel a ni a ti a. Rim taka thla 9 chhung training nei tur an nih avangin chhelna leh dawhtheihna an mamawh tur thu a hrilh a. Mahni chhungte leh ngaihzawngte theihnghilh nghal tura chah bawkin, pension hmulo tura bansan tum lova, a tlem berah kum 18 tal tang turin a fuih a ni.
Sipai tang tur, Shillong pan turte hi district hrang hrang atanga lak, thalai 253 rual an ni a. Mi 2 Signala lut tur tih loh, a dang zawng chu Assam Regiment ami tur an ni a, 7 te hi technical lama kal tur an ni. Hun rei vak lovah mi 8 dang la thawn thlak leh an ni ang.
Thlahna inkhawm hi Mizorama sipai tang tur lo buaipuitu ber, Col.Venish Rai, Army Recruiting Officer (ARO) in a kaihruai a. Shillong atangin Brig. G.S.Aul, DDG, N.E.States pawh rawn telin, hetiang huna Chief Minister Pu Lal Thanhawla meuh a rawn tel chu sipai tan a ngaihpawimawhzia a tilang a ni a ti a, a chungah lawmthu a sawi bawk a ni. A ni bakah hian sipai officer dangte bakah Assam Rifles 23 Sector hotupa, Brig, S.K.Verma pawh a tel a ni.
Chief Minister hi a nupui Pi Lal Riliani bakah Pu Lalsawta, Law Minister leh Pu P.C.Zoramsangliana, Transport Minister ten an tawiawm a ni.
Pu Hawla chuan sipaiah inzir zel duh tan zir chhohna hmun a inhawn thu sawiin, engineer leh doctorte tan pawh hmun a awm thu a sawi a. Sorkar pawhin thalai tam zawk sipaiah an tan theih nan leh commissioned officera awlsam zawka an luh theih nan Sainik School pawh chak taka din turin hmalak mek anih thu a sawi a. NCC te pawh sorkarin uar chhoh zel tum a ni a ti. Sipai lakna neih thin pawh Aizawlah chauh nilo, zokhua lamah te nei thin tura sipai thuneitute hnena an ngen thin thu a sawi bawk a ni.Chief Minister chuan sipai tang turte chu a tawp thleng theuh tura chahin, duhsakna a hlan a ni.
Lt.Col (Rtd) Z.S.Zuala, MLA pawhin fuihna thu a sawiah, sipai hi service zahawm ber a ni tiin,Kumpinu pawhin an lalchhungkua thlahte chu sipaiah an luh tir zel a ni a ti a. Rim taka thla 9 chhung training nei tur an nih avangin chhelna leh dawhtheihna an mamawh tur thu a hrilh a. Mahni chhungte leh ngaihzawngte theihnghilh nghal tura chah bawkin, pension hmulo tura bansan tum lova, a tlem berah kum 18 tal tang turin a fuih a ni.
Sipai tang tur, Shillong pan turte hi district hrang hrang atanga lak, thalai 253 rual an ni a. Mi 2 Signala lut tur tih loh, a dang zawng chu Assam Regiment ami tur an ni a, 7 te hi technical lama kal tur an ni. Hun rei vak lovah mi 8 dang la thawn thlak leh an ni ang.
Thlahna inkhawm hi Mizorama sipai tang tur lo buaipuitu ber, Col.Venish Rai, Army Recruiting Officer (ARO) in a kaihruai a. Shillong atangin Brig. G.S.Aul, DDG, N.E.States pawh rawn telin, hetiang huna Chief Minister Pu Lal Thanhawla meuh a rawn tel chu sipai tan a ngaihpawimawhzia a tilang a ni a ti a, a chungah lawmthu a sawi bawk a ni. A ni bakah hian sipai officer dangte bakah Assam Rifles 23 Sector hotupa, Brig, S.K.Verma pawh a tel a ni.
Chief Minister hi a nupui Pi Lal Riliani bakah Pu Lalsawta, Law Minister leh Pu P.C.Zoramsangliana, Transport Minister ten an tawiawm a ni.
Attachment
- Loading attachment...
