Mizoram State Tobacco Control Society (MSTCS) buatsaihin vawiin chawhnu khan Serchhip Chief Medical Officer's Conference Hall ah Serchhip MJA member te vaihlo chungchang inhrilhhriatna "Sensitization Workshop on Tobacco" neih a ni a, Dr. Malsawma, Chief Medical Officer, Serchhip District leh Vanlalzari, District Coordinator, MSTCA, Serchhip ten thuthar thehdarhtute hi vaihlo leh dan in vaihlo a khap dan chungchanga hriattur pawimawh zualte an hrilhfiah a ni.
Dr. Malsawma, Serchhip CMO, District Anti-Tobacco Squad Member Secretary chuan thuthar thehdarhtute chu thawhhona tha neih pui atan a sawm a, Serchhip Anti-Tobacco Squad hmalakna leh tan lak zel dan tur te sawi langin mipuite bengah vaihlo thatloh zia fah ngun a tul thu leh, Serchhip District ah chuan Anti-Tobacco Squad te hmalakna pawh mipuiten an hmelhriat hle tawh ni a a hriat thu a sawi a, kum 2010 a Serchhip leh Chhiahtlang a in tina luta survey an neih thu sawiin mihring 17,335 awm zinga 13,900 ( 80%) chu kum 10 chung lam an nih thu leh an zinga mi 4488 (32%) chu mei zu nasa hriat chian an nih thu a sawi a, zuk leh hmuam do kawnga tan lak a ngaih nasat thu sawiin Mizote cancer natna chi hrang hrang vei nasa ber hnam kan ni hi thlak danglam thei tura tan lak a pawimawh zia a sawi a ni. Dr. Malsawma hian vaihlo thatlohzia leh mihringa nghawng a neih nasat zia a lem nen (powerpoint) a entir nghal a ni.
Vanlalzari, District Coordinator pawhin Anti-Tobacco Squad te hmalakna mipuiten an hria ani tih sawiin meizuk chungchanga Sawrkar dan siamte pawh an zawm tha tan hle tih a sawi a, tan lak nasat a la ngaih thu pawh sawi langin MJA te chu mipuite hnenah zirtirna uar zawka pe leh turin a ngen a, vaihlo do a tulzia leh a pawimawhzia hriatchian a tul zia uar takin a sawi a ni. Pi Vanlalzari hian vaihlo chungchanga Sawrkar Laipui dan dinglai "COTPA, 2003" chungchang powerpoint hmangin zirtirna a pe a ni.
Powerpoint presentation zawh anih hnu hian sawihona hun hman a ni a, vaihlo dona kawnga tan lak ho dan tur te leh hmalak zui zel dan turte an sawiho nghal bawk a ni.
Vanlalzari, District Coordinator pawhin Anti-Tobacco Squad te hmalakna mipuiten an hria ani tih sawiin meizuk chungchanga Sawrkar dan siamte pawh an zawm tha tan hle tih a sawi a, tan lak nasat a la ngaih thu pawh sawi langin MJA te chu mipuite hnenah zirtirna uar zawka pe leh turin a ngen a, vaihlo do a tulzia leh a pawimawhzia hriatchian a tul zia uar takin a sawi a ni. Pi Vanlalzari hian vaihlo chungchanga Sawrkar Laipui dan dinglai "COTPA, 2003" chungchang powerpoint hmangin zirtirna a pe a ni.
Powerpoint presentation zawh anih hnu hian sawihona hun hman a ni a, vaihlo dona kawnga tan lak ho dan tur te leh hmalak zui zel dan turte an sawiho nghal bawk a ni.
