Chief Minister Pu Lal Thanhawla chuan vawiin chawhma dar 9 khan State Guest House, Chaltlang a tlawh a, a enkawltu leh PWD hotute nen fangkualin a chhe zual lai siamthat ngai lai te an thlir ho. A building hi a hlui deuh tawh avangin chei that a hun tawh hle a, tum khata a zavaia khawih chu a hautak deuh dawn avangin floor khat te te-a khawih tura ruahman a ni, PWD ten estimate te lo siam a hma lak chhoh ni se an ti.  Chief Minister hi Chief Secretary Pu Van Hela Pachuau, IAS te, Principal Secretary Pu C.Lalsawta, IAS, Finance Secretary Pu Lalmalsawma, IAS, Pu Liansanga, E-in-C & Secretary, PWD, leh Officer dang ten an tawiawm a ni.