Vawiin tlai dar 4 khan Lengpui Fish Seed Farm-a Fisheries department sak thar Fish Farmer Training Centre & State Level Laboratory chu Chief Minister Pu Lal Thanhawla'n a hawng.
Hawnna thu sawiin Chief Minister Pu Lal Thanhawla chuan Mizoram a mi tam takin hnathawh tur kan hriat loh laia ram leilung fa ni lo ten hnathawh sen loh an hmu rengte hi kan harhchhuah a ngai a. Ram leiluing fate kan thanharh a ngai a ni a ti. Tan kan lak thuai loh chuan kan ramah hian hnam tlem zawk minority dinhmunah kan ding mai ang tih pawh a hlauhthawnawm a ni a ti. Sorkar department chu a len leh a tet ah teh tur nilovin an pawimawh vek a, thawktute inpekna leh rinawmna a pawimawh ber zawk a ni a ti. Fishery department in sum a sen tawh zawng zawng chu dik taka hman tangkai nisela chuan vawiinah hian Mizoram pawna hralhchhuah tham nei tawh tur kan ni a ti bawk.
Ram leilung kan duata ngun taka kan enkawl a pawimawh a, chuti anih loh chuan kan ram hi thlaler ramro, kan thlahte tana chenna tlak lohah kan chhuah mai ang tih a hlauhawm thu a sawilang bawk. Vawiin a hawn thar Fish Farmer Training Centre & State Level Laboratory hawn a ni thei chu lawmawm tiin a buatsaihtute chungah lawmthu a sawi bawk.
Khualzahawm Fisheries Minister Pu H. Liansailova chuan tunlai khawvel hmasawn zelah mithiamte thiamna kan chhawr tangkai a hun tawh a. Hemi Farmer Training Centre hawn tharah hian mithiamten zirtirna (training) sangha ching/khawitute an neihpui thin dawn a. Sangha khawi nan Dil, Lei leh Tui a tha dawn em tih enfiahnate pawh a awm vek a ni a ti.
He Fish Farmer Training Centre & State Level Laboratory hawn programme hi Fisheries Department Secretary Pu T. Sangkunga'n a kaihruai a. PWD SE Pu Lalruata Sailo leh Fisheries Director Pu Dotawna'n report an pe a. Parliamentary Secretary Pu K.S. Thanga'n lawmthu sawina hun a hmang bawk.
He Fish Farmer Training Centre & State Level Laboratory hawn thar hi 2008 July a sak tan a ni a. 30 April 2009 ah sak zawh hiin Dec 9, 2009 khan Fisheries Departmen kutah hlanchhawn a ni. He building sakna senso zawng zawng chu cheng nuai 37.5 a ni a, in chhawng hnih, a zau zawng belhkhawm hi 242 sq.m a ni.
He Fish Farmer Training Centre & State Level Laboratory hawnna programme-ah hian Minister te Pu Lalsawta, Pu P.C. Lalthanliana, Pu Nihar Kanti Chakma leh Parliamentary Secretary Pu S. Laldingliana leh Pu Lalrinmawia Ralte bakah MLA leh officer senior thahnem tak an kal a ni.
Ram leilung kan duata ngun taka kan enkawl a pawimawh a, chuti anih loh chuan kan ram hi thlaler ramro, kan thlahte tana chenna tlak lohah kan chhuah mai ang tih a hlauhawm thu a sawilang bawk. Vawiin a hawn thar Fish Farmer Training Centre & State Level Laboratory hawn a ni thei chu lawmawm tiin a buatsaihtute chungah lawmthu a sawi bawk.
Khualzahawm Fisheries Minister Pu H. Liansailova chuan tunlai khawvel hmasawn zelah mithiamte thiamna kan chhawr tangkai a hun tawh a. Hemi Farmer Training Centre hawn tharah hian mithiamten zirtirna (training) sangha ching/khawitute an neihpui thin dawn a. Sangha khawi nan Dil, Lei leh Tui a tha dawn em tih enfiahnate pawh a awm vek a ni a ti.
He Fish Farmer Training Centre & State Level Laboratory hawn programme hi Fisheries Department Secretary Pu T. Sangkunga'n a kaihruai a. PWD SE Pu Lalruata Sailo leh Fisheries Director Pu Dotawna'n report an pe a. Parliamentary Secretary Pu K.S. Thanga'n lawmthu sawina hun a hmang bawk.
He Fish Farmer Training Centre & State Level Laboratory hawn thar hi 2008 July a sak tan a ni a. 30 April 2009 ah sak zawh hiin Dec 9, 2009 khan Fisheries Departmen kutah hlanchhawn a ni. He building sakna senso zawng zawng chu cheng nuai 37.5 a ni a, in chhawng hnih, a zau zawng belhkhawm hi 242 sq.m a ni.
He Fish Farmer Training Centre & State Level Laboratory hawnna programme-ah hian Minister te Pu Lalsawta, Pu P.C. Lalthanliana, Pu Nihar Kanti Chakma leh Parliamentary Secretary Pu S. Laldingliana leh Pu Lalrinmawia Ralte bakah MLA leh officer senior thahnem tak an kal a ni.
