State Level Task Force On Railway Project in Mizoram meeting hmasa ber chu vawiin khan I & PR Conference Hall-ah neih a ni a, Chief Minister Pu Lal Thanhawla’n a hmanpui.
Chief Minister chuan railway hi ram hmasawnna ruhrel pawimawh tak anih avangin, tuna Rel Kawng Bairabi atanga Sairang thleng siam tur project hi kum 1997 daih tawh khan hma a lo lak tan tawh thu a sawi a. Mizoram chhunga thui tak rail kawngin min chhun avanga chimral kan hlau anih chuan kan taimak a ngai a ni a ti a. Taima taka hna thawka kan intodelh phawt chuan Pathianin chimrala kan awm a phal ka ring lo a ni a ti. Tun kan dinhmun hi, Mizoram mi nilo, pawnlam mi nuai khat leh singnga vel Mizoramah an awm reng a ni a ti a. Tuna railway project, Bairabi – Sairang siam tur hi zawh fel anih hnu, nakinah chuan tuna bul tan mek Kolodyne Multi Nodal Transport Project avang hian Kawlchaw thleng siam ala tul ngei ang a ti. He Project hi Look East Policy ti puitling thei tu tur a nih bawk thu a sawi .
Pu Lal Thanhawla chuan he Railway Project siamna kawngah Mizoram sorkar chuan theihtawp chhuahpuiin, tawiawmna leh tanpui tulna apiangah a inpeih reng dawn a ni a ti a. Tihbuai leh harsatna siam tumtu te zawng zawng lakah sorkar chu a khauh hle ang tiin, Mizorama Remna leh Muanna kan neih hi harsa tak leh manto taka kan neih a nih avangin, engti kawng mahin tihchhiat kan phal dawn lova, kan vawnghim tlat dawn a ni a ti. He Project hi Mizoram tan mai nilo, hmarchhak te tan leh rampum tan a ni a ti.
He Task Force hi Mizoramin tun aia nasa zawka railway tangkaina kan neih theih nan Union Ministry of Railways chuan kum 2008 khan National Railway Network Project hnuaiah a din a. Member 21 awmna, he project in a tum ber chu Bairabi atanga Sairang thleng rail network siam a ni. A senso tur Cheng Vaibelchhe 519.34 pawh Railway Board in a sanction tawh a. Hna thawk tur hian M/S RITES Ltd chu thlan fel tawh a ni bawk.
He rel kawng thar tur thui zawng hi 51 Kms niin, leiverh hmun 16 ah a awm anga, lei a lian chi 11 awm bawkin, lei te chi 123 lai a awm dawn bawk a ni. Pu Mohan Lal, Chief Engineer (C), NF Railways chuan India ram hmun dangah hetiang tlangram hmuna rel kawng hautak lutuk siam ala awm ngailo a ti a ni.
Meeting hi Pu Zasanga, IPS (Rtd ), Chairman, Task Force in a kaihruai a. Transport Minister Pu P.C. Zoramsangliana pawhin thusawina hun a hmang bawk.
Meeting zawh hian Technical Session neih zui nghal a ni.
Pu Lal Thanhawla chuan he Railway Project siamna kawngah Mizoram sorkar chuan theihtawp chhuahpuiin, tawiawmna leh tanpui tulna apiangah a inpeih reng dawn a ni a ti a. Tihbuai leh harsatna siam tumtu te zawng zawng lakah sorkar chu a khauh hle ang tiin, Mizorama Remna leh Muanna kan neih hi harsa tak leh manto taka kan neih a nih avangin, engti kawng mahin tihchhiat kan phal dawn lova, kan vawnghim tlat dawn a ni a ti. He Project hi Mizoram tan mai nilo, hmarchhak te tan leh rampum tan a ni a ti.
He Task Force hi Mizoramin tun aia nasa zawka railway tangkaina kan neih theih nan Union Ministry of Railways chuan kum 2008 khan National Railway Network Project hnuaiah a din a. Member 21 awmna, he project in a tum ber chu Bairabi atanga Sairang thleng rail network siam a ni. A senso tur Cheng Vaibelchhe 519.34 pawh Railway Board in a sanction tawh a. Hna thawk tur hian M/S RITES Ltd chu thlan fel tawh a ni bawk.
He rel kawng thar tur thui zawng hi 51 Kms niin, leiverh hmun 16 ah a awm anga, lei a lian chi 11 awm bawkin, lei te chi 123 lai a awm dawn bawk a ni. Pu Mohan Lal, Chief Engineer (C), NF Railways chuan India ram hmun dangah hetiang tlangram hmuna rel kawng hautak lutuk siam ala awm ngailo a ti a ni.
Meeting hi Pu Zasanga, IPS (Rtd ), Chairman, Task Force in a kaihruai a. Transport Minister Pu P.C. Zoramsangliana pawhin thusawina hun a hmang bawk.
Meeting zawh hian Technical Session neih zui nghal a ni.
Attachment
- Loading attachment...
