Chief Minister Pu Lal Thanhawla chuan nimin tlai dar 7 khan Sihhmuia Suaka Resort chu a hawng.

Chief Minister chuan he resort hawng tur hian a neitupain thla hnih vel kalta atanga alo sawm tawh anih thu a sawi a. Aizawl khawpui, thalaite tana thawipik thlak tawh tak laka intihthawven nan leh intihlimna atana eco-tourism nena inmil bawk si, resort neitu Pu Rotluanga Fanai in hmathlir tha tak nei chunga a siam hi a lawmawm hle a ni a ti a. Hmasawna-a thang zel tur kan nih angin, khualzin mite pawh an pung zel dawn a, chumi atana thlenna nuam lo siam chu a tha-in, Mizoram ti hmelthatu leh kan tangkaipui tur anih ngei ka beisei a ni, Chief Minister chuan a ti a ni.

Suaka Resort hi 170 Bigha (acres) a zau a ni a. Thingkung chi hrang hrang thahnemtak karah hahdamna tur thutna, lak sawn theih loh tam tak siam a ni a. Nghakuai chiahna tur hmunte siam bawkin, swimming pool, restaurant, kingsize leh queensize roomte, pub te siam ani bawk. Eisiam tu train chhuak an awm dawn bawk a ni. Resort hi kar leh atangin a hmang duh tan hman tan theih a ni ang.

Suaka Resort hi Mizorama Cricket Satdium awm chhun, Suaka Memorial Cricket Stadium sira awm a ni.