Chief Minister Pu Lal Thanhawla chuan nimin khan Thenzawl tlawhin, khawtlang hotute nen hmasawnna kalpui dan tur an sawiho.

Inkawmhonaa an sawi, LAD Park tur atana mimal pakhatin a ram bigha 6 aia tam a pek, inkalpawhna tur kawngpui black topped siam tawhna hmun, rest house sak lai mek leh Swimming Pool sak zawh tawh chei chhunzawmna atan cheng nuai 18 ruahman ni se an ti a; Chief Minister hian park hmun tur hi a tlawh nghal a ni. Heng bakah hian khawtlang hruaitute duh dan angin Chawngchilhi puk te, Bengkhuaia thlan leh Vaibiak hmunte cheibawl nana cheng nuai 5 ruahman nise tih te an sawi a ni. Hengte bakah hian Chief Minister hian Thenzawla Community Hall lian ber, Joint YMA ina enkawl mek, cheng nuai 30 senga siam that leh chei that hna thawh mek chu a hmunah a tlawh bawk a. AH & Vety hmun, Sq Km 6 a zau pawh ke-a fangin a tlawhkual bawk a ni.

Chief Minister hi a nupui Pi Lal Riliani bakah Pu P.C. Lalthanliana, Minister of State for LAD etc in a tawiawm a ni.