1695/2022-2023
Aizawl 24.8.2022: Chief Minister Pu Zoramthanga chuan vawiin chawhnu khan Thu leh Hla Kutpui 2022, Vanapa Hall a buatsaih hun li-na chu khuallian niin a hmanpui.

Chief Minister chuan thu leh hlaa kan mi chhuanawmte chawimawina hun buatsaih a, thu leh hlaah hma sawn zel theihna tura hun siam a ni chu lawmawm a tih thu a sawi a. Hnam tlem te ni mah ila thu leh hla a Mizoram hausaknate, a zuih mai loh a chhawm nun zel pawimawhnate sawiin, thu leh hlate hi kan ram min zawmkhawmtu, politics, economy leh culture anga min zawm a, sakhuana ah pawh zai khata min luan tir tu a nih thu a sawi a ni.

Mizo Zirlai Pawl Gen Hqrs. buatsaih Thu leh Hla Kutpui hi ni hnih chhung (23 & 24 August, 2022) hman niin, Mizo Academy of Letters Book of the Year (1989-2021) dawng tawhte chawimawina leh ziakmite kawmna nen hun hman a ni. Book of the Year dawngtu 28 (mimal 27 leh pawl pakhat) chawimawi an ni.