Vawiin chawhnu khan Chief Minister Pu Lal Thanhawla chuan  Revenue Official  te leh NCC hotute a office-ah a kawm a. Kum in chhunga Tuirial Airfield hmuna NCC Academy leh Air Wing din a nih theih nana hnathawh hmasak turte chungchang a sawipui.

Chief Minister Pu Lal Thanhawla chuan  Tuirialah NCC Academy din a nih theihna tura hna thawh hmasak ber tur chu NCC Cadet lak a ni tih a sawi a. NCC office sakna tur hmun leh NCC atana  mamawh hmuhma bakah Air Wing din a nih theih nan Tuirial Airfield a mimal ram nei te chungchang chu Revenue Department hotulu te , Environment, Forest & Climate Change hotulu te leh NCC enkawltu Commanding Officer  te leh a thawhpuite chu  a huhova Tuirial Airfield tlawha zirchiang turin a hrilh a ni. Joint Inspection hi Revenue Department ten hun remchang an buatsaih veleh neih tum a ni. Chief Minister chuan NCC chu sipai atang duh te tan chauh a ni lo tih sawiin khua leh tui tha siamna atana hmanraw tha tak a ni a. Sawrkar in a ngai pawimawh hle a, NCC cadet ten programme pawimawh bik, National level leh international level   programme te an neih laia Internal Assessment leh Test avanga harsatna an tawk thin chu a thil pawi tak a ni a, zirtirtute paw'n  exposure programme pawimawh tak NCC ten an chhim theih nan  remchanna leh ruahmanna siam sak thei thin se a lawmawm hle ang a ti.

Chief Minister Pu Lal Thanhawla hova NCC chungchanga meeting-ah hian Principal Adviser to Chief Minister Pu  RL Rinawma,  Revenue Secretary Pu  R.Lalramnghaka, Revenue Director  Pu C.Lalpeksanga,  1 Mizo NCC Batallion Commanding Officer  Col. KS Dhindsa, Lt. Col Clement Lalhmingthanga, Commanding Officer, 20 Mizoram NCC leh Wg.CDR Konark  Goel te an tel a ni.