Kum ruk chuang hlamchhiah tawh tun sorkarin Megawatt 60 pe thei tur Tuirial Hydel Project a thar thawh leh chu vawiin khan Chief Minister Pu Lal Thanhawla chuan helicopter hmangin a hmunah a enfiah a. Hna thawktu NEEPCO officialte chuan lo dawngsawngin chipchiar takin hna kalhmangte chu Chief Minister hi anlo hrilhfiah a, hnathawhna hmun hrang hrangte an fan kualpui bawk a ni. NEEPCO official te hian hnathawh hi 50% vel zo tawh angin an inngai a, kum 2015 January thlaah zawhfel an in beisei thu Chief Minister hi an hrilh bawk a ni.

Chief Minister hi a nupui Pi Lal Riliani bakah Home Minister Pu R.Lalzirliana leh Pu T.P.Khaund, Principal Adviser to Govt of Mizoram ten an tawiawm a ni.