1220/2022-2023
Aizawl the 12th July, 2022 : Kum 2022 Under Graduate Examination neih taka Mizo topper 24-te chawimawina vawiin khan Vanapa Hall-ah buatsaih a ni a. Chief Minister Pu Zoramthanga chu khuallian a ni. He programme hi Mizo Students' Union General Hqrs. buatsaih a ni.

Chief Minister Pu Zoramthanga chuan theihtawp chhuah a an beihna rah hmutu undergraduate topper te chu a lawmpui thu sawiin, anmahni chawimawina hun buatsaihtute pawh fakawm a tih thu a sawi a. Tanna tha an bul an tan tawh angin, an kal zelna turah pawh tha thlah lova, hlawhtlinna tam zawk an dawn zel theihna tura theihtawp chhuah zui zel turin duhsakna a hlan a ni. Chief Minister chuan zirna pawimawh thu sawiin, eizawnna kawngah chauh nilo in, mihring pangngai, mi zahawm leh rawntlak a min siamtu a nih hmasak thu a sawi a. Ruihtheih thil te, zuk leh hmuam te'n mi a nih theih ang ni thei lova a siam fo thin chu veiawm a tih thu te, chung lakah chuan zirlaite chu fihlim tlat turin a chah a. Ruihtheihthilin min tihbuaina atanga kan fihlim chuan rahbi ropui ah kan chho phawt ang, a ti a ni.

Chief Minister chuan hlawhtling tura pawimawh pahnih tak chu mahni intheihnghilh a midang tan hna thawh leh dawhtheihna a nih thu a sawi a. Kan nih theih leh kan thlen theih thleng tur chuan thui tak mahni kuta a awm a ni, a ti a. Mizoram pawh hmasawnna turin 'potential' haichhuah tur tam tak nei a nih dan te, haichhuak thiam leh a nachang hria apai g tan vanneihna leh ram hmasawnna pahw chumi ah chuan a innghah dan a sawi a. Thalai mithiamte chu ram hmasawnna atan an pawimawh thu sawiin, theihtawp chhuah chuan tih theihloh mihring tan a awm manglo, a ti a. Mahni inthununna kawngah te, ram tana thawh naah te, tumruhna nen theihtawp chhuah zel turin zirlai te a fuih a ni.

Vawiina chawimawina dawngtute chu hengte hi an ni:

1) English: Ruth C. Lalremsangi, HATIM
2) Mizo: C. Lalhunmawia, Govt. Hrangbana College
3) Education: Vanlalrinpuii, Pachhunga University College
4) Geography: Lalhmingsangi, Govt. Hrangbana College
5) History: Lalrinhlui, Pachhunga University College
6) Sociology: Lalbuatsaiha Khalthang, Govt. T. Romana College
7) Political Science: Amos Vanlaltleipuia, Govt. Hrangbana College
8) Psychology: Lallawmkimi, Pachhunga University College
9) Economics: Lalruatsanga, Pachhunga University College
10) Philosophy: Brendon Lalramnghaka Khiangte, Pachhunga University College
11) Public Administration: K. Lalmalsawmi, Pachhunga University College
12) Mathematics (Arts): Lalrosangi, Pachhunga University College
13) Physics: David Lalhruaichhuaha, Pachhunga University College
14) Chemistry: R. Lalruatsangi, Pachhunga University College
15) Mathematics: Vanlalvenpuia, Pachhunga University College
16) Zoology: Lalhmangaihmawia Hnamte, Pachhunga University College
17) Botany: Lalparvuli, Govt. Zirtiri Residential Science College
18) Geology: C. Zothansanga, Pachhunga University College
19) Statistics: Hriatdawngzeli, Pachhunga University College
20) Environmental Science: Lalruatfeli Fanai, Pachhunga University College
21) Biotechnology: Lalenpuii, Pachhunga University College
22) Electronics: John Lalmuanpuia, Govt. Zirtiri Residential Science College
23) Commerce: Lalmalsawmi, Govt. Hrangbana College
24) Home Science: C. Lalthanpuii, Govt. Zirtiri Residential Science College

Vawiin programme-ah hian MSU President J. Lalmuanzuala leh he programme Uaptu Pu John Lalpeka te hnen atangin thusawi ngaihthlak a ni bawk a. MSU buatsaih Article inziah siak lawmman vawiin inkhawmah hian sem ni bawkin, lawmman pakhatna dawngtu Article chhiar chhuah a ni a. SU leaders lawmpuina hun hman a ni bawk.