1221/2022-2023
Dated Serchhip, the 12th July, 2022: Vawiin khan Dy. Speaker leh Tuikum Bialtu MLA ni bawk Er. Lalrinawma chuan Vanchengte Health Clinic leh Vanchengte Branch MHIP In hawnna a nei.

Health Clinic thar leh MHIP In hawnna inkhawm a ruala Clinic buildinga neihah Er. Lalrinawma chuan, Covid-19 hrileng karah Vangchengte khawtlang in thilthar pahnih Health Clinic leh MHIP IN hawnna a ruala kan nei thei hi a lawmawm hle a, Health & Wellness Centre leh Health Clinic Tuikum bialin kan nei chho zel hi bial mipui aiawhin sawrkar chungah pawh lawmthu ka sawi a ni, a ti. Zirna, hriselna leh eizawnna te hi mipui ten kan mamawh dan inang lo mah se an pawimawh dan erawh a inang vek a, vawiina kan hawn tak Health Clinic pawh hi Vanchengte in kan mamawh em em thil a ni. Hetiang hmasawnna duhawm tak kan neih theih nana khawtlang mipuite leh khawtlang hruaitute inlungrualna a fakawm hle a ni, tiin Vanchengte mipuite inpekna a fak a ni. MHIP ten an puala In an nei thei pawh chu a lawmpui thu sawi in, Mizote nunphungah kan hmeichhia te pawimawh zia kan hre vek a, khawtlang leh chhungkua, ram hmasawnna leh inrelbawlna kawng tinrengah an tangkai em em vek a, hma an sawn zel theih nana tanpui hi a tul a, kei ngei pawh ka inhuam reng a ni, nangni paw’n theih tawp lo chhuah zel ang che u, tiin a chah a ni.

He hunah huan khawtlang hruaitute leh NGO’s aiawh ten thusawina neiin, VC Secretary Pu Zokhuma’n report tawi a pe a. An Health Clinic in Health Department atang pawmpuina/phalna an hmu thei chu lawmawm a tih thu sawiin, khawtlang mipuite inpekna leh bialtu MLA Er. Lalrinawma’n theihtawp a chhuahpuinaah lawmthu a sawi a ni. MHIP President Pi Sangthangpuii pawhin thusawina hun neiin, MHIP In a hawn sak avangin Dy.Speaker chungah lawmthu a sawi a. A hmunhma thuah leh an sak zawh thlenga tanpui rengtu VC leh khawtlang mipuite chungah lawmthu a sawi bawk.

Health Clinic Center hawnna inkhawm hi Pu Vanlalchama, VCP in kaihruaiin, Pu Zoremmawia’n hunserh a hmanga, Pu Zorempuia,VC Vice-president in lawmthu sawinain hun a khar a ni.