4361/2025-2026

Aizawl the 9th February 2026: Vawiin khan Chief Minister Pu Lalduhoma chuan UNESCO World Art Day 2025 kharna pualin Commemorative Book a tlangzarh.

World Art Day 2025 hi nikum April thla khan I&PR Auditorium-ah hman a ni a, Chief Minister Pu Lalduhoma, Chief Patron International Association of Art, Mizoram Chapter ni bawk chuan a hmanpui a. Mizo tradition leh culture-te khawvel hmaa lemziak hmanga phochhuahna hun hman zui niin, vawiinah hian chu hmalakna kharna chu Chief Minister office-ah hian a puala lehkhabu (commemorative book) tlangzarhin neih a ni ta a ni. 

He hunah hian IAA- INDIA UNESCO Official Partner President  Pu Manaj Saha, Mizoram State Coordinator Pi Lalhming Mawii, Mizoram State Secretary Pu Rosiamliana Ralte, State Advisor Pu Lalchuailova leh midangte an tel a ni.