Vawiin chawhnu dar 12:30 khan Mizoram Chief Minister Pu Zoramthanga chuan Pu Narendra Singh Tomar, Union Minister of Agriculture & Farmers Welfare, Minister of Rural Development ni bawk chu a pisa ah kawmin Mizoram hmasawnna tur kawng hrang hrang a sawipui.

Chief Minister leh Union Minister hian ei leh bara Mizoram intodelhna tur atana hmalakna tur kawng hrang hrang leh rua hmanga hmasawnna chak zawka kalpui a nih theih dan ruahmanna te kimchang takin an sawi dun a. Ei leh bara Mizoram a intodelh theihna tur atana chak taka hma lak sawrkarin a tum thu sawiin Central Sawrkar puihna an mamawh tur thu a hrilh bawk a. Intodelhna tura hmalakna tur kawng hrang hrang uluk takin an sawi dun bawk. Union Minister hian theihtawp a chhuahpui tur thu leh rawtna pawh a tul anga thlen thin turin a lo hrilh a ni.

Pu Zoramthanga hian rua hmanga Mizoram mai nilo north east pum leh ram thenawm te thlengin an thatpui theih dan tur sawiin, hmalak dan tura a hma chhawp te kim takin a sawipui a. Scheme awmsa atang mai nilo scheme thar, project thar leh special package hial pawh ruahman a ngaih tur thu an sawi dun. Union Minister hian proposal a dawn hunah kimchang taka a lo zirchian tur thu leh theihtawp a chhuah sak tur thu lo hrilhin, Prime Minister leh Finance Minister te pawh sawipuia rawtna pawh thlen sela thaa a rin thu a sawi a ni.

Chief Minister hi Pu H.Rammawi, Vice Chairman, State Planning Board leh official pawimawh ten an tawiawm a ni.