Vawiin dar 10:30 A.M khan Dr. K. Beichhua, Hon'ble Minister of Social Welfare chuan Siaha Don Bosco School a 'Atal Tinkering Laboratory leh MSS Computer Laboratory’ a hawng.

Minister chuan ATL Laboratory hawngin, Programme hman zui nghal a ni a, ATL Laboratory chanchin leh pawimawhna te sawichhuah a ni. Principal (Father) chuan Welcome Speech sawiin Minister chawimawina a hlan a, ram tan leh Laboratory tan malsawm tawngtaina a nei nghal bawk.

Minister in Laboratory Open Declaration hun a hman hnuin, he Laboratory a khawl leh hmanraw hrang hrang te chu Minister hian enkualin, School Naupang te'n an lo hrilhfiah zel bawk. He Laboratory hi tunlai Science & Technology thiamna sang tak hmanga School Naupang te'n hmanraw leh thiam thil chi hrang hrang an hman thiam theihnan leh, an hmuchhuah theih nan a tangkai hle dawn a ni.

ATL Laboratory hawn zawh hian MSS (My sCool Server) Computer Laboratory chu Minister hian Ribon chepin a hawng bawk. He Laboratory-ah hian Computer 60 awmin, Technology sang tak nen thlunzawm vek a ni a, School naupangin zirna-a a mamawh ang ang te awlsam taka lakchhuah leh en mai thei tur dah vek a ni. He MSS Computer Laboratory hi North East India-a a hmasa ber niin, zirlai te'n an chhawr tangkai hle dawn a, Minister chu Practical nen hrilhfiahin, an lo enpui a ni.

Hemi zawh hian Don Bosco Hall-a School naupang pungkhawm hma ah Minister chuan fuihna thu a sawi bawk. Minister chuan, "Thluak leh ngaituahna hi a ral theih lova, a hmang tam thluak leh ngaituahna apiang a chak a, a fing mai a ni," tiin School naupangte chu nasa taka zir a, an thluak leh ngaituahna hmang tam turin a chah hlawm bawk a ni.

Minister hi Pu L. Khaichyu, MDC; Pu HC. Biakcheua, MDC; Pu N. Lalrosanga, MDC; Pu Rozawna, Joint Director, Sericulture; Pu H. Ramdinliana, Member, Veterinary & Fisheries Board; Pu Lalthankima, AE, SWD; Pu Abraham Beirazi Khithie, PS to Minister & Under Secretary, SWD; Pu N. Vabeiratlua, IPRO; DEO Siaha; Pu Dr. Sahlu Khaila, DVO; Pu B. Dawpho, Editor, Times of Maraland; Pu M. Baithai, Editor, Chhim Aw leh MNF Siaha District Headquarters hruaitu thenkhat leh Sawrkar Official te'n Minister hi an tawiawm a ni.