No.3073/2021-2022

Aizawl the 21st November 2021: New Delhi a cham mek Chief Minister Pu Zoramthanga chuan vawiin khan Union Minister of State for DoNER and Cooperation Pu BL Verma chu a pisa ah hmu in, ei leh bara hmasawn tura Mizoram mamawh hrang hrangte a thlen.

Chief Minister chuan DoNER leh NEC kaltlanga India hmarchhak state te tana sawrkar laipuiin sum a pek dan chungchangah ennawn ngai awm nia a hriat thu sawiin, tun dinhmunah chuan hmarchhak state te hian hmasawnna ruhrel pawimawh tak tak an mamawh leh siam theih tur te chu an hmuh tur sum hmuh loh avanga bul an tan theihloh phah thu te a sawi a. Mizoram bikah chuan state economy chawisang thei khawp a resource tha kan neih, mau hmang tangkai tura hma lak a nih mek laiin, link road mamawhna sang tak a awm thu te sawiin, chumi atan chuan sawrkar laipuiin ruahman sak a țul thu te a thlen bawk. 

Chief Minister hi State Planning Board Vice Chairman Pu H. Rammawi, Adviser to CM (Tech) Er. K. Sawmvela, OSD Pu Rosangzuala, leh official dangten an tawiawm a ni.

Attachment

  • Loading attachment...