No.3072/2021-2022

Aizawl, 21st November, 2021 : Vawiin khan School Education Minister Pu Lalchhandama Ralte chuan Mangaldoi, Assam a 3rd IR Mizo Battalion te an awmna hmunah a tlawh.

Minister hi Regional Education Conclave hmanga Guwahati a cham mek a ni a, 3rd IR Battalion Christian Fellowship te inkhawmna hmanpui pahin an awmna hmun leh sipai awmte hi a tlawh a ni.

Minister chuan Mangaldoi-a 3rd IR Mizo Battalion te chanchin ngaihthlak nuam tak tak an lo hriat thin thu sawiin, an awmna hmuna thil tha tak tak tia an luangchhuak thin chu lawmawm takzet a, ram pawna Mizote hmel timawi thintu an ni a ti a, an awmchhan ang taka duty tha taka hlen turin a fuih a, hnamdang zinga khawsa an nih angin Missionary rawngbawlna anga ngaia an hna thawk zel turin a chah hlawm a ni.

Minister hi School Education Secretary Dr Lalzirmawia Chhangte, Pu Lalhmachhuana, SPD, Samagra Siksha Abhiyan, Dr.Malsawmtluanga Fanchun, Dy.Resident Commissioner, Mizoram House, Guwahati leh Prof. Lalthanzara, Principal, Pachhunga University College ten tawiawmin, Mangaldoi ah hian 3rd IR Battalion Commandant Pu B.Laldikpuia, MPS in a lo dawngsawng a ni.

Attachment

  • Loading attachment...