Chief Minister Pu Lal Thanhawla, Washington DC, USA-a cham mek chuan ni 7 Sept. 2010 chawhma khan Worldwide Bank Executive Director for India, Sri Lanka and Bhutan Pu P.Chatterjee nen darkar khat lai an inkawm a, Mizoram chhim lama ramri (international border) vela kawng thar siam dan tur te an sawi dun. Mizoram leh hmarchhak te tana Power transmission line chungchang te, Health Care leh Human Resource Development te pawh an sawiho bawk. Chak taka hma lak a nih theih nan Pu P.Chatterjee chuan Detailed Project Report pe thuai turin a lo hrilh a ni. Chief Minister hi World Bank Vice President for South Asian Region Pu Xianzhu nen an inkawm bawk a, USA-a India sorkar hotu lian pathum leh Energy Specialist te nen inkawmhona hun an hmang bawk. Chief Minister hi Indian Embassy-a First Secretary-in a tawiawm a ni. Ni 6 September, 2010 khan Mizo Day kum 25-na lawmna ropui takin an nei a, Chief Minister tawiawmtu a nupui Pi Lal Riliani'n zuk leh hmuam leh faina chungchang a sawite chu tha an ti hle a, hemi lama Indian Society on Tobacco & Health hminga hma an lakna kawngah Bill Gates Foundation atangin HIV/AIDS tan tanpuina pek theih a nih thu te an lo hrilh bawk a ni.