Lalit Kala Akademi, New Delhi leh Art & Culture Department, Government of Mizoram buatsaihin nikuma 7th National Art Festival, Shillong-a neih zawh taka lemziak leh art chi hrang hrang lama mithiamte kutchhuak chu vawiin khan Vanapa Hall-ah phochhuah tan a ni a. He 'Art Exhibition of 7th National Art Festival' hi Art & Culture Minister Pu P.C.Zoramsangliana'n a hawng. Art Exhibition hawnna inkhawm hi Dr.U.S.Tiwari, Consultant, Regional Centre, Lalit Kala Akademi, Shillong-in a kaihruai a ni.
Hawnna thuchah sawiin Khuallian chuan Art & Culture Department-in Mizoramah arts chi hrang hrang thanlenna tur leh hmasawnna turin theihtawpin ke a pen mek a, amaherawhchu hmabak a la thui hle a ni, a ti. NEZCC nen kum tin artist-te tan eng eng emaw an buatsaih thin chung pawhin artist-te hmasawnna tur chuan hei hi a la tawk lo a ni. Chuvangin Lalit Kala Akademi nena thawhhona tha tak siamin Mizorama artist chi hrang hrang te hlawkna tur leh an mamawh phuhruk theihna tur kawng dap chhoh chu a pawimawh tak zet a ni tiin Akademi hotute a sawm.
Lalit Kala Akademi Secretary Dr.Sudhakar Sharma pawhin thu sawiin National Akademi of Arts hnuaiah Lalit Kala Akademi hi peng khat a nih thu leh lemziak mite tan bika hmalatu pawl a ni tih a sawi a. Hmarchhak bialah Lalit Kala Akademi Branch hawn an duh thu sawiin Pu Sharma chuan Shillong-ah hawn an tum zet tawh hnuah tun tum Aizawl a rawn zinin Art & Culture hmalakna tam tak a thlir hnuin Mizoram-ah zawk Lalit Kala Akademi Regional Centre chu nghah thlanawm zawka a hmuh thu a sawi a ni. Hemi atan hian theihtawpa hmalak a tum thu kalkhawmte a hrilh bawk.
Vawiina hawn tak 'Art Exhibition of 7th National Art Festival' hi September ni 11 thleng a awh ang a, a tlawh duhtu apiang tan zing dar 10:00 atangin tlai dar 5:30 thleng a tlawh thei dawn a ni. Hei bakah hian tuna Tourist Lodge, Chaltlang-a India hmun hrang hrang atanga artist 50 rual leh Mizo artist te fuankhawmna 8th National Art Festival Workshop neih mek chu a duh apiang tana tlawh theih reng a ni bawk.
Lalit Kala Akademi Secretary Dr.Sudhakar Sharma pawhin thu sawiin National Akademi of Arts hnuaiah Lalit Kala Akademi hi peng khat a nih thu leh lemziak mite tan bika hmalatu pawl a ni tih a sawi a. Hmarchhak bialah Lalit Kala Akademi Branch hawn an duh thu sawiin Pu Sharma chuan Shillong-ah hawn an tum zet tawh hnuah tun tum Aizawl a rawn zinin Art & Culture hmalakna tam tak a thlir hnuin Mizoram-ah zawk Lalit Kala Akademi Regional Centre chu nghah thlanawm zawka a hmuh thu a sawi a ni. Hemi atan hian theihtawpa hmalak a tum thu kalkhawmte a hrilh bawk.
Vawiina hawn tak 'Art Exhibition of 7th National Art Festival' hi September ni 11 thleng a awh ang a, a tlawh duhtu apiang tan zing dar 10:00 atangin tlai dar 5:30 thleng a tlawh thei dawn a ni. Hei bakah hian tuna Tourist Lodge, Chaltlang-a India hmun hrang hrang atanga artist 50 rual leh Mizo artist te fuankhawmna 8th National Art Festival Workshop neih mek chu a duh apiang tana tlawh theih reng a ni bawk.
