Unietd Sports Association of Mizoram (USAM ) in kum 2009 chhunga sports lama tuimi te leh ti tha zual a thlachhuahte hnena lawmman, USAM Sports Award 2009 a buatsaih chu nizan khan Chanmari YMA hall-ah a hlanna inkhawm neih a ni a, Chief Minister Pu Lal Thanhawla chu khuallian a ni.

 

 

 

 

Khuallian Pu Lal Thanhawla chuan USAM in hetiang programme pawimawh tak, sports discipline hrang hrang ten tan an lak theihna tura chona tichhuak thei leh midangte fuih thei an buatsaih chu lawmawm a tihthu sawiin, sorkar ang pawhin a thlawp tlat a ni a ti a. Sorkar hi eng pawl pawhina a nghenchhan ber thin anih avangin thawhhona tha a awm a tul thu a sawi bawk a. Hetiang chawimawina hi tute emaw tih lar tumna nilovin, ram hmasawnna tura tul pawimawh tak pakhat a ni a ti.

Lawmman hi category 4 ah hlan a ni a, category tinah hian lawmman dawng thei nominee 3 vawrh chhuah a ni a, dawng tur 1 zel thlan a ni.  Sports Promoter of the Year Award 2009 chu Pu Lalsawmliana Pachuau, Zarkawt chuan a dawng a. Sports Person of the Year chu Basil L. Khuma s/o Herman S.Khuma, Zarkawt hnenah hlan a ni a. Sports Reporter of the Year (Visual) Award chu Zo-Sports, Aizawl in a dawng a. Sports Writer of the Year chu Brian Lalnunhlima, Zemabawk, Mizo Aw daily newspaper hnenah hlan a ni bawk a ni.

 

USAM hi kum 2004 a din a ni a, Sports Association hrang hrang pasarih, Snookers, teakwondo, Table Tennis, Wushu, Tennis, Athletics leh Hockey te awmna a ni.