Vawiin Chawhma dar 10:30 atangin Saikuti Hall Lunglei ah The Leprosy   Mission  General  Conference  leh Silver Jubilee chu Pu Lal Thanhawla Chief Minister in a hmanpui.
Thusawiin The Leprosy Mission  Annual meeting ni bawk a sawm an nih avangin leh an nupui an tel theih avangin lawmthu an sawi. A  sawi zelna ah Mizoram ah kum 1983 atang a tan in  he rawngbawlna avangin Mizoram ah phar 1400 chuang  awm ah mi 1300 chuang tih dam an niin tun ah mi 17 vel chauh enkawl an nih avangin lawmthu sawiin he rawngbawlna pawimawh tak avang hian  tun dinnhmun ah Mizoram ah phar tih tham an awm tawh loh avangin lawmthu a sawi a. He rawngbawlna ah hian mitin te Samari mi tha ni theuh turin a sawm bawk. A sawi zelna ah phar te chu natna hlauhawm taksa piansualna thlentu a ni tih kan hria ; vawiin ni ah Mizo Kristian te kan inen let tulna zawk chu rilru piansualna kan nei hi a ni a ti. Chu chuan sum ngainatna sual leh thianghlim lohna ah min hnuk lut a, Mizo Kristian te ei leh in zuk leh hmuam ah kan fimkhur loh avangin cancer leh natna hlauhawm chi hrang hrang  in min ti buai a ni a ti. Chuvang chuan thianglhlimna hi kan ngaih pawimawh em em a  ngai a ni a ti. He rawngbawlna pawimawh tak ah hian Kohhran hrang hrang  te lungrual taka kan thawkho thei hi a ropuiin a lawmawm hle a ni  a ti. Chief Minister  chuan lawmthu sawina leh duhsakna hlan chungin he General  Conference hi  lawm takin a hawng bawk.

Khual Zahawm Dr.  Sunil Anand, The Leprosy Mission Director for India pawhin thu sawiin Mizoram a The Leprosy Mission hian sum leh pai leh tawngtaina nen India ram a phar te an lo thianghlim theih nan a an rawngbawlna zawng zawng ah lawmthu a sawi bawk.

Chief Minister  thiannu Pi Lalriliani'n "An lo thianghlim ta " tih lehkhabu a tlangzarh bawk.